Kort om stillinga

Logopedstillinga inngår i vårt skuleteam, der ein vil få ansvar som fastkontakt. Delar av stillinga vil inngå i utøvande team som leverer logopediske hjelpetiltak etter vedtak. Det kan i periodar forekomme overlapping av primæroppgåver mellom teama. I tillegg skal ein bistå andre i teamet med eigen spisskompetanse der dette er naudsynt.

Om PPT

Alver kommune ligg tett opp til Bergen. Alver PPT er lokalisert i det nye RNH Helsehuset, Kvassnesvegen 40. Her har vi fine lyse og moderne lokale, og gode mogelegheiter til samarbeid med andre tenester for barn og unge som er lokalisert i Helsehuset.
Vi søkjer medarbeidar som har god evne til å arbeide sjølvstendig og å finne glede og motivasjon i varierte arbeidsoppgåver.

Alver PPT har totalt 21,3 stillingar, her er pedagogisk-psykologisk rådgjevar med solid fagleg bakgrunn i pedagogikk, spesialpedagogikk, logopedi og psykologi. Alver PPT er ei kommunal teneste som er organisert i barnehageteam, skuleteam og utøvande team. I tillegg har vi eit nyoppretta læringsmiljøteam. PP-tenesta skal hjelpe barnehagar og skular med å leggje opplæringa betre til rette for barn/elevar med særlege behov. PPT skal sørgje for at det vert utarbeidd sakkunnig vurdering i saker der loven krev det. PPT skal vidare støtte, bistå og bidra, med kompetanse- og organisasjonsutvikling i barnehagar og skular.
Stillinga vil innehalde ein kombinasjon av utgreiing og utøving av logopediske tenester.

Arbeidsoppgåver

Vi kan tilby ein spennande og utfordrande jobb i eit større fagmiljø med fleire logopedar. Vi søkjer deg som har engasjement og motivasjon for endringsarbeid.

Sentrale oppgåver vil vere:
- Bistå og bidra til at elevar og skular til å oppnå eit inkluderande, likeverdig og tilpassa opplæringstilbod
- Sakkunnig arbeid i skule: observasjon, kartlegging, utgreiing og vurdering
- Rettleiing og rådgjeving på individ- og systemnivå
- Deltaking i tverrfagleg samarbeid med interne og eksterne samarbeidspartar
- Hjelpe skular i arbeid med kompetanse- og organisasjonsutvikling, samt førebyggjande arbeid

Kompetanse

Master i logopedi.

Erfaring frå arbeid i PP-teneste.

Personlege eigenskapar
Vi søkjer etter medarbeidarar som:

• Er fleksibel og løysingsorientert
• Har kjennskap til aktuelt lovverk
• Har kjennskap til skulen som utdanningssystem
• Har god munnleg og skriftleg framstillingsevne
• Har god kommunikasjonskompetanse, relasjonskompetanse og samhandlingskompetanse
• Har gode digitale ferdigheiter
• Har god rettleiingskompetanse
• Har generell god forståing for systemisk arbeid i endringsprosessar

Vi legg i tillegg vekt på:

•  personlege eigenskapar: evne til å arbeide sjølvstendig og systematisk, utviklingsorientert, har stor arbeidskapasitet og gode samarbeidsevne. Personleg eigna vil bli vektlagt.
•  Du bør trivast med endringar, stor arbeidsmengd, vand med å halde fristar og vere fleksibel
•  godkjent politiattest
•  førarkort klasse B

Vi tilbyr

Varierte arbeidsoppgåver i eit godt tverrfagleg arbeidsmiljø saman med logopedar, pedagogar og psykologar.
Løn etter gjeldande tariffavtale
God pensjonsordning 

Politiattest

 Godkjent politiattest i samsvar med Opplæringslova må leverast ved tiltrede. 

Slik søker du

Trykk knappen "send søknad". Dess meir du fyller ut, dess betre vert du sjåande ut på søkjarlista. Dersom du har behov for hjelp med registrering av søknad, kontakt innbyggjarservice på 56 37 50 00. Rekrutterarar ber aldri om BankID i samband med rekrutteringsprosessen. Som jobbsøkjar må du aldri avgje sånn informasjon i samband med søknadsprosessen. Om du opplever dette, ber vi deg ta kontakt. 

 

Bli kjent med Alver kommune