Surnadal kommune er drivar av frivilligsentralen, som ligg plassert sentralt på Skei ved sida av Surnadal kulturhus.

Tilboda våre er m.a: ungdomsklubb, utstyrssentral, aktivitetslokale for lag og organisasjonar, kunst- og hobbyverkstad for barn og unge i samband med høgtider og sommarferie, andre aktivitetar i ferietida. Vi tilbyr gratismåltid til ungdomar etter skuletid.

Surnadal Frivilligsentral tilhøyrer kulturavdelinga i Surnadal kommune og det er f.t 1,4 årsverk og to tilsette.

No ser vi etter deg som er positiv, fagleg engasjert og som brenn for å utvikle tilbodet ved frivilligsentralen.

 

Arbeidsoppgåvene er dagleg drift og utvikling:

• utvikle frivilligsentralen innafor rammene for drifta i tråd med overordna mål og strategiar bestemt av kommunestyret og styret i frivilligsentralen
• samarbeide og samskape med andre aktørar, både i og utanfor Surnadal kommune
• koordinere frivillig aktivitet og samarbeide med frivillige lag og organisasjonar
• halde nettsida oppdatert og føre kalender over aktiviteten i frivilligsentralen
• skape/initiere aktivitetar
• kalle inn til styremøte og fungere som sekretær for styret
• legge til rette for aktivitet som blir initiert av styret og andre aktuelle samarbeidspartar
• reinhald i lokala
• deltaking i faglege treffpunkt og samarbeid med dei andre avdelingane i kultureininga
• delta i prosjekt saman med tverrfaglege grupperingar i Surnadal kommune, t.d Ungdomssatsinga og følgjetenesta
• vere ansvarleg for frivilligsentralen i SoMe og andre digitale plattformer
• deltaking i regionale og nasjonale nettverkstreff

Arbeidstida vil variere, med både dag, kveld og helg etter behov.

Ønska kvalifikasjonar:

Leiarerfaring frå frivilligsentral eller frå frivillig arbeid

Relevant utdanning for fagområdet

God muntleg og skriftleg framstillingsevne

Eigenskapar vi ser etter:

- positiv og engasjert

- god på å bygge nettverk og får til å samarbeid med andre aktørar, både i og utanfor kommunal sektor

- gode leiareigenskapar og evne til å samarbeide med frivillige på ein inkluderande og engasjert måte

- kan arbeide målretta og strukturert og med god gjennomføringsevne

- kan vere fleksibel og sjå løysingar

Vi kan tilby:

Du får vere med og utforme framtidas frivilligsentral i Surnadal i fine lokale sentralt i Surnadal

Gode mulegheiter for fagleg og personleg utvikling

Utfordrande og varierte arbeidsoppgåver

Vi har gode pensjons- og forsikringsordningar

 Tilsettingsvilkår:

• kommunale tilsettingsvilkår og lønn med utgangspunkt i gjeldande avtaleverk
• du må ha førarkort kl.B og kunne disponere eigen bil
• flyttegodtgjersle etter reglane i personalplanen
• tilfredsstillande politiattest, ikkje eldre enn 3 månader, skal leggast fram før oppstart i stillinga