Naustdal frivilligsentral treng ny leiar. Vi har ledig ei 100% fast stilling i Aktivitetseininga knytt til Friskliv og frivilligsenteret. Vi er eit team på 6 personar som saman held i og driftar frivilligarbeidet, frisklivssatsinga og anna førebyggjande arbeid i Sunnfjord kommune. Vi samarbeider med fleire kommunale einingar, frivillig sektor, institusjonar og næringsliv. Aktivitetseininga i Sunnfjord kommune har ansvar for Friskliv og frivilligsenter, der dei tre frivilligsentralane i Naustdal, på Sande og i Førde er organisert. Desse tre Frivilligsentralane samarbeider om aktivitetar i alle grender i Sunnfjord kommune.

Vi søker deg som er kreativ og glad i menneske. Du vil få ansvar for Naustdal frivilligsentral og saman med resten av teamet vil du arbeide med aktivitetar, arrangement og ulike prosjekt knytt til frivilligheit i heile Sunnfjord kommune.

Aktivitetseininga har og aktivitetstilbod til vaksne i alle aldrar i Sunnfjord kommune. Aktivitetstilbodet kan gjevast som opplæring, arbeid eller anna type dagaktivitet til menneske som av ulike grunnar har behov for tilrettelegging eller bistand. Vi er i alt 53 positive og engasjerte medarbeidarar som jobbar i eininga fordelt på små og store stillingar i heile kommunen.

Krav til søkar:

• høgare helse-/sosialfagleg eller anna relevant høgare utdanning
• god IKT- kompetanse
• gode norskkunnskapar, både skriftleg og munnleg
• godkjent politiattest av ny dato må leggast fram før start i stilling
• førarkort klasse B

Vi søker deg som:

• er kontaktsøkjande, uredd, sjølvstendig og initiativrik
• er utviklingsorientert og handlekraftig
• er kreativ og glad i menneske
• er god på å takle eit vidt spenn i oppgåver, er strukturert og flink til å planlegge eigen arbeidskvardag
• har gjennomføringsevne
• er ein lagspelar med fagleg autoritet innan ansvarsområdet
• er engasjert og har evne til å motivere

Vi kan tilby:

• utfordrande, varierte og meiningsfylte arbeidsoppgåver
• samarbeid med mange engasjerte menneske i og utanfor kommunen
• lønn etter kommunal tariff

Du søker elektronisk.

 

Velkommen som søkar!