Vil du leie utviklinga av barnehagane i kommunen? 

 

I Sogndal kommune er det ledig 100% stilling som leiar for barnehagane i kommunen.  

Sogndalsbarnehagen består av 11 kommunale barnehagar, i tillegg til 4 private barnehagar. 3 av barnehagane ligg i oppvekstsenter. Leiar for barnehage inngår i kommunalsjefen si leiargruppe, og har ansvar for barnehagane si drift og utvikling. I ansvaret ligg barnehagehagane si samla fagutvikling, økonomistyring og personalleiing. Me søkjer ein leiar som kan vere med å utvikle barnehagane spesielt og oppvekstsektoren generelt, til beste for barn og unge som veks opp i Sogndal kommune. 

 

Arbeidsoppgåver:

• å vere overordna leiar for si oppvekstteneste 
• resultat, budsjett og personalansvar 
• utviklings- og kvalitetsarbeid gjennom å følgje opp vedtak som gjeld satsingar og prioriteringar 
• utgreiings- og sakshandsamingsoppgåver 
• sikre at vi følgjer relevant lovverk, som t.d. barnehagelova 
• vidareutvikle arenaer og delingskultur for samhandling i sektoren og mellom sektorar 
• sikre likeverdige og godt samordna tenester med god kvalitet 
• ta i bruk nye teknologiske løysingar både for å skape god samhandling på tvers i sektoren og for å yte betre tenester 

Kvalifikasjonar:

• minimum bachelorgrad innan samfunnsvitskaplege fag eller anna relevant utdanning frå universitet/høgskule 
• leiarutdanning og leiarerfaring frå barnehagesektoren 
• praktisk erfaring og innsikt i pedagogisk utviklingsarbeid 
• utviklingsorientert og har erfaring frå utviklingsarbeid 
• gode ferdigheiter i å bruka IKT som arbeidsverktøy  
• førarkort klasse B 

  

Personlege eigenskapar

• gode kommunikasjonsferdigheiter, kontaktskapande evner, er fagleg trygg, motiverande og har engasjement for barn og unge 
• erfaring med og kunnskap om tverrfagleg arbeid kring barn og unge 
• forståing for tidleg innsats, førebyggjande og helsefremjande arbeid  
• nysgjerrig 
• fleksibel og løysingsorientert