Er du genuint opptatt av barn si utvikling og oppvekst? Vi ser no etter barnehagelærar til to av barnehagane i Fjaler kommune i 100 % faste stillingar.

• Flekke barnehage har ledig stilling for ein barnehagelærar som vil vere pedagogisk leiar i barnehagen, samt jobbe i SFO på skulen. Flekke barnehage er samlokalisert med skulen. Barnetalet aukar og vi har no tre avdelingar. Vi ser etter ein pedagogisk leiar som vil jobbe ca.70 % i barnehagen og ca. 30 % på skulefritidsordninga.
• Våge barnehage søkjer etter pedagogisk leiar til å leie ein av våre to avdelingar i barnehagen. Våge barnehage ligg ytst i Fjaler kommune, vi har ein ny fin barnehage med ca. 20 barn.

Skriv i søknadsteksten kva barnehage du vil jobbe i og ta gjerne kontakt med oss om du har spørsmål om stillingane eller arbeidsplassane. Vi høyrer i frå deg med glede!

Arbeidsoppgåver

Som pedagogisk leiar vil du ha arbeidsoppgåver der du brukar din faglege, pedagogiske og etiske kompetanse for å skape ei ramme der barn kjenner seg som ein del av eit fellesskap; ei ramme der barn får utvikle seg og oppleve meistring. Du vil ha ansvar for å rettleie medarbeidarane på avdelinga di og sjå til at barnehagelova og rammeplan vert oppfylt gjennom det pedagogiske arbeidet på avdelinga.

Kvalifikasjonar

• Barnehagelærar eller annan relevant treårig pedagogisk utdanning på høgskulenivå
• Fagarbeidar som barne- og ungdomsarbeidar kan og søkje og vil verte vurdert tilsett mellombels dersom vi ikkje får tak i høgskuleutdanna søkjarar
• Gode norskkunnskapar
• Den som vert tilsett må legge fram godkjend politi- og tuberkulinattest før tiltreding

Personlege eigenskapar

• Har godt samspel med barn og vaksne
• Du må like å arbeide med barn, og vere ein tydeleg vaksen
• Kunne arbeide sjølvstendig og har gode samarbeidsevner
• Greie å arbeide løysingsorientert i eit travelt miljø og samtidig ha eit godt humør

Vi vektlegg at ein er personleg eigna til stillinga

Vi tilbyr

• Ein variert og kjekk kvardag
• Introduksjonsprogram for nytilsette
• Godt arbeidsmiljø med med fin aldersblanding i kollegiet  
• Løn etter sentralt løns- og stillingsregulativ
• Gode pensjons- og forsikringsordningar
• Du får vere saman med flotte barn kvar dag
  
  

Vi gjer merksam på at søkjarliste med namn, kjønn, alder og noverande stilling i utgangspunktet er offentleg. Dersom det ikkje er særlege grunnar for å unnta offentleggjering, vil søkjaren verte kontakta og få høve til å trekke søknaden sin før søkjarliste vert gjort offentleg.