Øygarden kommune søkjer ny fastlege til Skogsskiftet legekontor. Heimelen er ledig frå 01.09.2020 , men anna oppstartstidspunkt både før eller etter kan avtalast.

Kontoret har 7 fastlegar og ein LIS 1 lege. Flinke og erfarne legesekretærar. Journalsystemet er Infodoc. 

Den ledige fastlegeheimelen har listestorleik på 850 plassar. Dette talet kan endrast i samråd med ny heimelsinnehavar og kommunen.  Det er pr. dato  ikkje pålagt anna kommunalt legearbeid til denne heimelen. Om ønskeleg kan slikt arbeid tildelast inntil 7,5 timar pr veke. Dersom ønskeleg kan også legevaktsarbeid ved Sotra legevakt tildelast.

Legekontoret vert driven etter sjølvstendig næringsdrivande modell. Øygarden kommune har eigne ordningar når det gjeld til dekning av utgifter til praksis ved til dømes svangerskapspermisjon og fråvær på grunn av langvarig sjukdom.

Øygarden kommune praktiserer også gjenkjøpsavtale av heimel dersom ny heimelsinnehavar mot formodning ikkje skulle trivast i fastlegejobben.