Vi søkjer Landsbyrettleiar

Vil du væra med og styrke innsatsen for barn, unge og familier i  Øygarden kommune? Vi søkjer ein engasjert og kompetent fagperson som ønskjer å arbeide som rettleiar i familier som får oppfølging frå barneverntenesta. Stillinga rettar seg i hovudsak mot ungdom og deira familier.   

Om Familiehjelpa

Familiehjelpa er ei psykisk helseteneste for barn og unge og har i dag 34 tilsette. Her har vi ei barne og ungdomsteneste, kommunepsykologar for barn og unge, landsbyteam fosterbarn, landsbyteam barn og unge, skulelos, aktivitetsguide, erfaringskonsulent og terapihund.

 Om stillinga

Stillinga er 100% fast med oppstart 01.06.26 eller etter avtale. Den er organisert i teamet landsby barn og unge.

Med utgangspunkt i ordtaket «It takes a village to raise a child» har Øygarden utvikla ein modell for oppfølging av barn, unge og familier, Landsbymodellen. Modellen bygger på eit systemisk tankesett med eit spesielt fokus på kommunikasjon og samarbeid rundt barna og alle dei vaksne, både private og profesjonelle relasjonar rundt dei. Barna og deira næraste, treng kloke mennesker som jobbar for at heile landsbyen kring kvart barn fungerer best mogleg. 

Vi søkjer etter deg som er fagleg nysgjerrig, trygg og relasjonelt modig. Du må like høgt tempo, koordinering og trivast med å rettleie.

Du vil væra ein del av landsbyteamet barn og unge, som samla består av fem rettleiarar. Denne stillinga saman med ei anna rettar seg i hovudsak mot familier og ungdom som strevar med rus, psykiske vanskar og/eller kriminalitet.

Dei fleste ungdomane bur heime, men nokre kan i periodar ha opphald på institusjon eller i andre tiltak.

I arbeidet vil du følgje opp ungdomane tett og samarbeide med viktige personar i landsbyen deira, som foreldre, anna nettverk, skule, helse og andre instansar.

Du vil arbeide i tett samarbeid med kontaktpersonar i barneverntenesta og landsbyteamet i  Familiehjelpa.  

 

Arbeidsoppgåver:

• Oppfølging av ungdom og familier etter landsbymodellen
• Samarbeid med barnevernstenesta
• Rapportering og dokumentasjon
• Støtte og rettleiing til føresette
• Tverrfagleg samarbeid internt og eksternt
• Ein del kursing og ulike gruppetilbod kan bli aktuelt

Kvalifikasjonar:

Må ha:

• Helse eller sosialfagleg bachelorgrad, anna relevant bachelorgrad kan vurderast
• Erfaring frå arbeid med barn, familier og tverrfagleg samarbeid
• God skriftleg og munnleg framstillingsevne

Ønskjeleg med:

• Vidareutdanning innan familieterapi eller liknande
• Erfaring med og kjennskap til barneverntenesta sitt arbeid

Personlege eigenskapar:

• Jobber godt sjølvstendig og i team
• Gjer rettleiing individuelt og i grupper
• Tar i mot fagleg rettleiing
• Er god på relasjonsarbeid og trivast godt saman med ungdom
• Har kompetanse/erfaring innan sentrale fagområde som til dømes tilknyting, traume sorg/tap
• At du er komfortabel med arbeid i feltet og i heimar

Personlege eigenskapar vektast høgt

 

 

Vi tilbyr:

• Gode pensjons- og forsikringsordningar
• Motiverte og kunnskapsrike kollegaer
• Interessante utfordringar
• Høve til fagleg og personleg utvikling
• Eit fagleg og engasjert arbeidsmiljø
• Tilhøyra eit rettleiarteam
• Motta fagleg rettleiing/oppfølging

Kontaktperson:

Avdelingsleiar Line Glesnes mobil

 

Øygarden kommune ønskjer eit arbeidsmiljø prega av mangfald, og at våre medarbeidarar i størst mogleg grad skal spegla mangfaldet i befolkninga. Vi oppmodar alle som er kvalifiserte til å søkja jobb hos oss uansett alder, funksjonsevne, kjønn, eller minoritetsbakgrunn. Som IA-verksemd ønskjer kommunen å leggja til rette for arbeidsforholda dersom du har behov for det.

Etter utløpet til søknadsfristen, vert det sett opp ei offentleg søkjarliste med namn, alder, stilling eller yrkestittel og bustads- eller arbeidskommune for kvar søkjar. Det kan gjerast unntak frå innsyn for opplysningar om ein søkjar dersom vedkomande sjølv ber om det. Opplysningar om ein søkjar, kan verta offentlege sjølv om søkjaren har bede om ikkje å vert ført opp på søkjarlista. Dersom oppmodinga ikkje vert teken til følgje, vert søkjaren varsla om dette. Ved vurderinga av om ei slik oppmoding skal takast til følgje, skal det leggjast vekt på om det knyter seg særleg offentleg interesse til stillinga.