Nærbø ungdomsskule har behov for to lærarar til å undervise elevar som har kome som flyktningar til Noreg. Primært skal undervisninga vera for elevar som bur på Hå mottakssenter. Me undervisar etter læreplanen i grunnleggjande norsk for språklege minoritetar.

Stillingane er 100 % vikariat skuleåret 2023/2024. Tilsetjing skjer fortløpande.

Kvalifikasjonar
• godkjent lærarutdanning
• utdanning i eller erfaring med særskilt norskopplæring
• personar med anna relevant kompetanse vert og oppfordra til å søkje

Personlege eigenskapar og relevant erfaring kan kompensera for manglande fagleg kompetanse.

Eigenskapar
• flink til å skapa gode relasjonar og tryggleik
• god til å samarbeida
• flink til å planleggje, gjennomføre og evaluere
• løysingsorientert, fleksibel og kan handtere endringar

Attestar og vitnemål
Vi ber om at du lastar opp attestar og vitnemål, i PDF-format, saman med søknaden din. Utenlandske vitnemål må være NOKUT-godkjende og utenlandske attestar må vera oversatte til eit skandinavisk språk eller engelsk.

Politiattest
Gyldig politiattest nyare enn tre månader må leverast før tiltreding.

Tilsetjingsvilkår
Tilsetjinga skjer på dei vilkår og med dei plikter som framgår av utlysninga, og dei til einkvar tid gjeldande lovar, regler og tariffavtalar. Kommunen har gode pensjons- og forsikringsordningar med ulykkesforsikring i fritida. Kommunen har ei prøvetid på 6 månader og regler for flyttegodtgjersle.