Ledig stilling

Sogndal kommune

Lærar

Offentlig forvaltning - Kommuneadministrasjon

Fjærland oppvekstsenter ligg i jordbruks- og turistbygda Fjærland, mellom Sogndal og Skei i Jølster, langs hovudfartsåra mellom aust og vest. Det er ei aktiv bygd med mange lag og organisasjonar innan mange områder.

Oppvekstsenteret inneheld skule, sfo og barnehage, og ligg idyllisk til nær fjorden med stort skogsområde i nærleiken, i tillegg til idrettsbane og lysløype.

Skulen er fådelt, med elevar i 1. til 7.klasse, fordelt på småskule og mellomsteg. Skulen har eige symjebasseng, samt god tilgang på undervisningsrom. Kommande år vil det vere 11 elevar i skulen.

Med utgangspunkt i skulen sin storleik ligg forholda godt til rette for tett oppfølging av den einskilde elev. I tillegg til fokus på basisfaga  har vi i seinare år arbeidd med satsinga «Trygt- og godt skule- og barnehagemiljø».  

 

 

Frå hausten 2025 har skulen ledig inntil heil fast stilling som grunnskulelærar. Rolla som kontaktlærar må påreknast.

 

Arbeidsoppgåver: 

  • Kontaktlærar 

  • Undervisning 

  • Planlegging, gjennomføring og evaluering av læringsarbeid i profesjonsfellesskapet 

  • Systematisk arbeid med grunnleggande ferdigheiter, tverrfagleg arbeid og elevane sitt læringsmiljø 

  • Systematisk oppfyljing av elevane si læring og utvikling 

  • Tett og godt skule- heim-samarbeid 

  • Aktiv deltaking i det pedagogiske utviklingsarbeidet ved skulen 

 

Kvalifikasjonar:  

  •  Det er krav om godkjend undervisningskompetanse for tilsetjing som lærar i grunnskulen.

- Politiattest er ein føresetnad for tilsetjing. 

- I tillegg til relevant fagkombinasjon vil personlege eigenskapar vektleggast. 

 

Ved Fjærland oppvekstsenter tilbyr me:  

  • Ein spanande jobb i eit godt og triveleg arbeidsmiljø med dyktige medarbeidarar.  

  • Gode pensjons- og forsikringsordningar  

  • Gode velferdsordningar  

  • Løn etter avtaleverket  

 

Me ønskjer eit arbeidsmiljø prega av mangfald, og at våre tilsette skal spegla folkesetnaden elles. Me oppfordrar alle som er kvalifisert til å søkja jobb hos oss uansett alder, funksjonsevne, kjønn eller minoritetsbakgrunn. Me legg vekt på å leggje til rette arbeidsforholda dersom du har behov for det.


Administrasjonsmålet i kommunen er nynorsk. Alle nytilsetjingar vert gjort med ei prøvetid på 6 månader. Me gjer merksam på at i følgje offentleglova § 25, 2. ledd kan opplysningar om søkjaren bli offentleggjort, sjølv om du har oppmoda om ikkje å bli ført på offentleg søkjarliste. Dersom du har bedt om unntak frå offentleg søkjarliste vil du alltid bli varsla før søkjarlista vert offentleggjort.

Søknadar må leverast innan fristen og må sendast inn via rekrutteringssystemet vårt  EasyCruit.

 

Flere jobber

Karriere.no for bedrifter

Med KarriereCruiter finner du de flinkeste folka på 1-2-3

  • 1Legg ut ledig jobb
  • 2 Velg riktig annonsering
  • 3 Ta imot kandidater

Les mer