Sviland skule har ledig eit vikariat i 100% undervisningsstilling ut skuleåret 2020-2021 med snarleg tiltreding. Stillingen består av undervising på ulike trinn, primært i faget norsk. Difor er det ynskjeleg med relevant kompetanse i norskfaget.

Sviland skule er ein barneskule med 135 elevar og 25 tilsette inkludert SFO. Hovudmålet er nynorsk, men på 1.-5. trinn er det også grupper som har undervising på bokmål. Eit nytt skulebygg står klart hausten 2021, så om ikkje lenge kan vi tilby svært gode fasilitetar.

Vi har over tid jobba mykje med visjon og verdiar, og har saman kome fram til visjonen “Saman om læring og glede” med fokus på verdiane trygg, raus og kreativ. Du kan lese meir om visjonen og verdiane på heimesida.

I tråd med opplæringslova er tilfredsstillande politiattest og helseattest ein føresetnad for tilsetting. Desse må leverast snarast etter eventuelt tilbod om tilsetting og før tiltreding. Attestar og vitnemål tas med til eventuelt intervju.