Vi har ledig eit 60 % vikariat som koordinator i Helsetenestene frå snarast og til 31.12.2026. 20 % av stillinga er på legekontoret og resterande 40 % stilling er med administrative oppgåver i helsetenesta.

Arbeidsoppgåver – administrativ del

I den administrative delen av stillinga vil du mellom anna arbeide med:

• Koordinering av strukturelle og administrative oppgåver, til dømes oppfølging av legeavtalar, organisering av praktiske forhold som tenestebilar, bustad og anna nødvendig logistikk.
• Utarbeiding, oppfølging og revisjon av prosedyrar og rutinar.
• Bemanningsplanlegging og støtte til dagleg drift.
• Deltaking i prosjekt, samt utviklings- og forbetringsarbeid.
• Samhandling på tvers av faggrupper og einingar for å sikre gode og samanhengande tenester.

Som tilsett ved legekontoret får du som kollegaer tre legar, ein turnuslege og to sjukepleiarar og ein helsefagarbeidar. Vi held til i lyse og trivelege lokale på Fjaler helsetun som ligg sentralt til i kommunesenteret Dale.

Arbeidsoppgåver på legekontoret, ein dag i veka

• ekspedisjonsarbeid/pasientkontakt
• laboratorieoppgåver som blodprøvetaking og behandling av desse
• asssistere legane
• journalføring i Infodoc

Kvalifikasjonar

• autorisert sjukepleiar eller anna helse utdanning
• erfaring med arbeid på legekontor er ønskjeleg
• praksis eller erfaring frå arbeid med prosjekt er ønskjeleg
• gode norsk munnleg og skriftleg framstillingsevne
• gode IKT-kunnskapar
• den som vert tilsett må legge fram godkjend politiattest og tuberkulinerklæring

Personlege eigenskapar

• evne til å tenkje strategisk og har høg gjennomføringsevne
• serviceorientert og trivst med å arbeide med menneske
• gode kommunikasjons- og samarbeidsevner
• arbeider strukturert, sjølvstendig og fleksibelt
• er løysingsorientert og trivst i eit travelt arbeidsmiljø

 Vi legg vekt på at du er personleg egna til stillinga.

 

Vi gjer merksam på at søkjarliste med namn, kjønn, alder og noverande stilling i utgangspunktet er offentleg. Dersom det ikkje er særlege grunnar for å unnta offentleggjering, vil søkjaren verte kontakta og få høve til å trekke søknaden sin før søkjarliste vert gjort offentleg.