Friskliv og frivilligsenter i Sunnfjord treng fleire tilsette. Vi har ledig ei 100% mellombels stilling i Aktivitetseininga knytt til Friskliv og frivilligsenteret. Vi har også ledig ei 20-40% mellombels stilling knytt til arbeid med BUA. Vi er eit team på 6 personar som saman held i og driftar frivilligarbeidet, frisklivssatsinga og anna førebyggjande arbeid i Sunnfjord kommune. Vi samarbeider med fleire kommunale einingar, frivillig sektor, institusjonar og næringsliv. Aktivitetseininga i Sunnfjord kommune har ansvar for Friskliv og frivilligsenteret som samarbeider om aktivitetar og møteplassar i alle grender i Sunnfjord kommune.

Vi har no ledig stilling til deg som er kreativ og glad i menneske. Vi treng deg som kan vere ein ressurs både på frivillig og frisklivsarbeid i kommunen, saman med resten av teamet. Arbeidet ditt vil vere med å skape og drifte aktivitetar, arrangement og ulike prosjekt knytt til friskliv og frivilligheit i heile Sunnfjord kommune.

Aktivitetseininga har og aktivitetstilbod til vaksne i alle aldrar i Sunnfjord kommune. Aktivitetstilbodet kan gjevast som opplæring, arbeid eller anna type dagaktivitet til menneske som av ulike grunnar har behov for tilrettelegging eller bistand. Vi er i alt 53 positive og engasjerte medarbeidarar som jobbar i eininga, fordelt på små og store stillingar i heile kommunen.

Krav til søkar:

• høgare helse-/sosialfagleg eller anna relevant høgare utdanning
• god IKT- kompetanse
• gode norskkunnskapar, både skriftleg og munnleg
• førarkort klasse B

Vi søker deg som:

• er kontaktsøkande, uredd, sjølvstendig og initiativrik
• er utviklingsorientert og handlekraftig
• er kreativ og glad i menneske
• er god på å takle eit vidt spenn i oppgåver, er strukturert og flink til å planlegge eigen arbeidskvardag
• har gjennomføringsevne
• er ein lagspelar med fagleg autoritet innan ansvarsområdet.
• er engasjert og har evne til å motivere

Vi kan tilby:

• utfordrande, varierte og meiningsfylte arbeidsoppgåver
• samarbeid med mange engasjerte menneske i og utanfor kommunen
• god forsikrings- og pensjonsordning

Stillingane har ulik oppstartsdato; frå snarast til 1. desember 2024. 

Du må levere politiattest av nyare dato for start i stilling.

Velkomen som søkar, vi ser fram til å høyre frå deg!