HAFS barnevernteneste jobbar for å finne gode løysingar for barn og føresette i Hyllestad, Askvoll, Fjaler og Solund, og vi har no ledig to 100 % faste stillingar som kontaktperson. Eininga har ti stillingar med engasjerte medarbeidarar som samarbeider om å løyse utfordringar og sjå moglegheiter til det beste for barn og familiar i regionen.

No søker vi etter deg som trur på barn og foreldre sine ibuande ressursar og ønsker å hjelpe dei i vanskelege livssituasjonar. Du vil ha kontor i Dale i nye, hyggelege lokale. Her jobbar du i eit tverrfagleg team med låg terskel for å søke støtte og råd hos kollegaene. Vi har eit godt og inkluderande arbeidsmiljø, og tek gjerne eit kjapt møte i sofaen for å drøfte ulike problemstillingar.

Varierte og givande arbeidsoppgåver

Dei tilsette arbeider med alle delar av barnevernfaget: undersøking, tiltaksarbeid og barn under omsorg etter barnevernlova. Vi ser etter deg som har eit ekte engasjement for menneske og ikkje er redd for å stå i krevjande situasjonar. Du gler deg over "dei små stega" og er god til å skape tillit og relasjonar. Vi vektlegg å møte barn, familiar og samarbeidspartar der dei høyrer til, noko som betyr ein del reiseverksemd i arbeidet.

Sjanse til å utvikle deg

Du vil få interessante og faglege utfordringar og sjanse til å utvikle deg. Drøftingar internt og eksternt er med på å halde oss orienterte på det som skjer i fagfeltet, noko som er viktig for å gi rett hjelp til riktig tid. Vi legg til rette for vidareutdanning og kurs innan barnevernsfeltet.

Arbeidsoppgåver

• Sakshandsaming etter barnevernslova
• Arbeid med meldingar og undersøkingar
• Direkte tiltaksarbeid med born og foreldre
• Fosterheimsoppfølging
• Samarbeid med andre instansar
• Arbeid med akutte situasjonar/kriser
• Oppfølging av oppdragstakarar i tiltak
• Noko kvelds- og helgejobbing
  
  

Kvalifikasjonar

• Utdanning som barnevernpedagog eller sosionom
• Anna relevant høgskuleutdanning saman med erfaring og vidareutdanning innan barnevernsfeltet kan
• vurderast
• Rettleiingskompetanse er ønskjeleg
• Førarkort klasse B
• God norsk munnleg og skriftleg framstillingsevne
• Godkjend politi- og tuberkulinattest må leggast fram før tiltreding
• Personleg eigna til stillinga
  
  

Personlege eigenskapar

• Raus, audmjuk og omgjengeleg
• Gode kommunikasjons- og samarbeidsevner
• Kan arbeide sjølvstendig, er fleksibel og har pågangsmot
• Jobbar strukturert
  
  

Vi tilbyr

• Løn etter kvalifikasjonar og ansiennitet
• 50 000,- alltid på topp-tillegg for høgskuleutdanna
• Fleksibel arbeidstid
• Gode pensjonsordningar
• Rabatterte forsikringar i KLP

 

Om du vil vere ein del av eit inkluderande arbeidsmiljø med stort engasjement for barn og familiar, håpar vi å høyre frå deg.

Vi gjer merksam på at søkjarliste med namn, kjønn, alder og noverande stilling i utgangspunktet er offentleg. Dersom det ikkje er særlege grunnar for unntak frå offentleggjering, vil søkjaren verte kontakta og få høve ti å trekke søknaden sin før søkjarliste vert gjort offentleg