Service-eininga yter tenester til innbyggarane og andre einingar i kommunen. Vi driv tenestetorg, sentralbord, dokumentsenter, informasjonsarbeid, digitalisering av tenester, fakturering og saksbehandling. Vi er om lag 25 tilsette som samarbeider godt om å løyse oppgåvene våre. No får vi nye oppgåver og  treng vi ein ny medarbeidar på laget.

Vi søker etter konsulent i 100 % fast stilling

Stillinga er lagt til Førde tenestetorg ved Sunnfjord rådhus. Vi som jobbar i tenestetorget er Rådhuset sitt ansikt utad og ein viktig del av stillinga er derfor kontakt med innbyggarane.

Stillinga inneheld mellom anna oppgåver som:

• resepsjonsarbeid
• rettleiing og informasjon om kommunale tenester
• interne serviceoppgåver for andre einingar i kommunen
• saksbehandling av kommunale tenester

Kommunal bustøtte er ei ny teneste som kommunen skal tilby. Den som vert tilsett skal mellom anna vere saksbehandlar for denne tenesta og blir med på å bygge opp tenesta og saksbehandlingsrutinane. 

Kvalifikasjonar for stillinga:

• relevant høgskuleutdanning
• erfaring med service og publikumskontakt
• god skriftleg og munnleg kommunikasjon på norsk

Lang relevant erfaring kan kompensere for manglande utdanning.

Vi ser etter deg som:

• er serviceinnstilt, fleksibel og har gode samarbeidsevner
• har erfaring med saksbehandling
• likar å jobbe med tall og har god økonomiforståing
• har god kompetanse i bruk av IT- verktøy
• har erfaring frå arbeid i prosjekt
• er empatisk og imøtekommande i møte med menneske i ulike situasjonar

Vi tilbyr

Som medarbeidar i Service-eininga får du ein variert arbeidskvardag i eit inkluderande og godt arbeidsmiljø.

Sunnfjord kommune har god pensjons- og forsikringsordning.

Velkomen som søkar, vi ser fram til å høyre frå deg!