Vi ser etter deg som er samfunnsengasjert, har høg fagleg integritet og trivst med eit breitt ansvarsområde. Du motiverast av tverrfagleg samarbeid, vil bidra aktivt til vidareutvikling av kommunen sine helsetenester. Du vil vere ein del av eit større fagteam både lokalt og regionalt. 

Vi har ledig inntil 50 % stilling som kommuneoverlege.

Arbeidskvardagen vil vere variert. Nokre av oppgåvene er langsiktige og strategiske, medan andre blir utløyst av fortløpande hendingar.

Som kommuneoverlege er du aktiv bidragsytar knytt til konkrete oppgåver i kommunalsjef for helse- og omsorgssektoren sin stab. I tillegg er kommuneoverlege den sin øvste medisinsk faglege rådgjevar, med ansvar for sentrale samfunnsmedisinske oppgåver innan mellom anna folkehelsearbeid, førebygging, smittevern, miljøretta helsevern og beredskap. Kommuneoverlegen har  ei nøkkelrolle i samhandlinga med spesialisthelsetenesta, og bidreg til å sikre god koordinering og heilskap elege pasientforløp mellom nivåa i helsetenestene.

Som kommuneoverlege har du ikkje vaktplikt, men du har høve til å ta vakter etter avtale med leiar for legevakta.

Stillinga kan kombinerast med fastlegeavtale /- stilling eller med ledig deltidsstilling som sjukeheimslege.

Me tilbyr

• godt arbeidsmiljø med erfarne, kunnskapsrike og engasjerte kollegaer
• utfordrande og varierte arbeidsoppgåver
• gode faglege og personlege utviklingsmoglegheiter
• fleksibilitet i organisering av arbeidsdag og oppgåver
• deltaking i fagleg nettverk med kommuneoverlegar regionalt og nasjonalt
• tilrettelegging for spesialisering i samfunnsmedisin, om du ikkje allereie er spesialist
• konkurransedyktig fastlønn etter kvalifikasjonar, og gode pensjons- og forsikringsordningar

Kommuneoverlegen sine oppgåver er hovudsakeleg

• ivareta kommunen sitt overordna ansvar innen fagområda smittevern, medisinsk beredskap, miljøretta helsevern, psykisk helsevern
• medisinskfagleg rådgjevar i kommunalsjefen sin stab
• rådgjeving innan folkehelse
• delta i fagleg i plan- og strategiarbeid
• kommunal beredskapsarbeid- deltaking i planverk, krisehandtering og kommunen si kriseleiing
• tverrfagleg samarbeid både lokalt, regionalt og med spesialisthelsetenesta
• saksbehandling, tilsyn og klagebehandling

Desse oppgåvene krev høg grad av tilgjenge og evne til å handtere uforutsigbare situasjonar som kan oppstå akutt – som smitteutbrott, ulykker eller andre kriser.

Kvalifikasjonar

• norsk autorisasjon som lege med spesialitet i samfunnsmedisin, eller lege med interesse for fagfeltet som ynskjer å gå inn i eit utdanningsløp i samfunnsmedisin. Det er ynskjeleg med allmennmedisinsk erfaring
• kjennskap til relevant lov- og avtaleverk innan helsesektoren
• gode kommunikasjonsevner i norsk munnleg og skriftleg er ein føresetnad
• evne til sjølvstendig arbeid, gode samarbeidsevner, fleksibilitet og evne og vilje til å ta initiativ og ansvar
• god til å bygge relasjonar, samarbeide på tvers av fagfelt og nivå
• stor arbeidskapasitet og gjennomføringsevne

Det blir lagt stor vekt på personlege eigenskapar ved tilsetting.

Søkjarar som ikkje har spesialitet i samfunnsmedisin, må forplikte seg til å gjennomføre spesialisering etter tilsetting.

Søknad og politiattest

• vitnemål og attestar legg du inn saman med søknaden
• den som blir tilsett må legge fram politiattest ikkje eldre enn tre månadar
• intervju og tilsetjing kan skje fortløpande i søknadsperioden
• kommunen følgjer offentleglova § 25 ved eventuell offentleggjering av søkjarlista

Flytte til Ål?
Drøymer du om å flytte til ei vakker fjellbygd? Ynskjer du deg eit godt kultur- og idrettstilbod, spennande jobbmoglegheiter og eit trygt oppvekstmiljø? Då er du velkomen til Ål!
Flytt til Ål! - Ål kommune