Hå gamle prestegard har ledig eit 89,44 % vikariat som kokk og kafémedarbeidar i kaféen, i perioden 20.1.2025 – 31.3.2025.

Hå gamle prestegard er ein kunst- og kulturinstitusjon i eit tradisjonsrikt og verna anlegg. Anlegget har utstillingar med norsk og internasjonal samtidskunst, kulturhistoriske utstillingar, formidlingssal av kunstverk, kafé med lokale matvarer og utleige av lokale.

Kafeen ligg i hovudhuset på Hå gamle prestegard, omkransa av flott natur og har mykje besøk, spesielt i helgene. Me treng difor deg som trivst i eit høgt tempo, som er blid, serviceorientert, effektiv, punktleg, og som kan jobba både kvardag og helg.

Som kokk og kafémedarbeidar vil du i lag med resten av personalet ha ansvar for å drifta kaféen etter desse hovudprinsippa:
• Kvalitet
• Lokale råvarer
• Heimelaga mat
• Sesongbaserte variasjonar i meny og kaféuttrykk

Arbeidsoppgåver
• Overordna ansvar for å planlegga og forbereda meny
• Halda kafé presentabel og innbydande ute og inne
• Skilta og merka meny
• Ta i mot gjester og grupper
• Samarbeida med dei andre avdelingane om arrangement
• Bestilla varer
• Ha ansvar for at reinhaldsrutiner er systematisert og fulgt opp
• Ha ansvar for matsikkerheit

Me ønsker deg som
• Har utdanning eller bakgrunn frå kokkefag eller kafé/restaurantbransjen
• Ser god mat, servering, service og kultur som ein naturleg heilskap
• Er systematisk og nøyaktig og erfaring med å følge opp rutinar
• Liker å jobbe i eit høgt tempo  
• Har kunnskap om lokale råvarer
• Har interesse for kunst og kultur
• Har interesse for å løfta fram lokale og sunne råvarer

Attestar og vitnemål
Vi ber om at du lastar opp attestar og vitnemål, i PDF-format, saman med søknaden din. Utenlandske vitnemål må vera godkjende av Direktoratet for høyere utdanning og kompetanse (https://hkdir.no) og utenlandske attestar oversatte til eit skandinavisk språk eller engelsk.

Tilsetjingsvilkår
Tilsetjinga skjer på dei vilkår og med dei plikter som framgår av utlysninga, og dei til einkvar tid gjeldande lovar, regler og tariffavtalar. Kommunen har gode pensjons- og forsikringsordningar med ulykkesforsikring i fritida. Kommunen har ei prøvetid på 6 månader og regler for flyttegodtgjersle.