Sula kommune har oppretta nytt bufellesskap og er no på søken etter fleire fagleg sterke miljøterapeutar. Vi treng deg som er nyskapande, kreativ og har eit brennande engasjement for personar med ulike funksjonsvariasjonar. 

 

Vi har ledig:

69% fast stilling på natt.

Bu- og aktivitetstenesta yter tenester til personar med ulike typar hjelpebehov. Tenestemottakarane er personar med funksjonsutfordringar som skuldast medfødde eller erverva tilstandar. Tenesta omfattar praktisk bistand, personleg hjelp, målretta miljøarbeid i heimen, sysselsetting , aktivisering og opplæring ved arbeidssenter/dagsenter, privat avlastning og avlastning i institusjon, støttekontakt og brukarstyrt personleg assistanse.

Jetmundgarden er ei avdeling med åtte bueiningar der arbeidet består i praktisk og personleg bistand til alle dagleglivets gjeremål. Avdelinga yter heildøgnsomsorg til mennesker med ulike funksjonsvariasjonar som autismespekterforstyrringar og psykiske vanskar. Vi arbeidar for at tenestemottakarane skal oppleve tryggleik, sosiale relasjonar, respekt og god livskvalitet

Det er turnusarbeid med til ei kvar tid gjeldande turnus. Avdelinga har turnusordning med utvida arbeidstid  f.t. 14-timarsvakter med arbeid 3. kvar helg. Nattevakter har arbeidstid på inntil 10,5 timar.

Stillingane er ledig frå snarast. 

Kvalifikasjoner:

• Vi søkjer personar med helse- og sosialfagleg høgskuleutdanning,fortrinnsvis vernepleiar og sjukepleiarar.
• Erfaring frå liknande arbeid med utfordrande åtferd og målretta miljøarbeid vil verte føretrekt.
• Kjennskap til og erfaring frå arbeid med personar med samensatt problematikk.
• Det er ynskjeleg med vidareutdanning, eller erfaring frå psykisk helsearbeid
• Målretta miljøarbeid med oppfølging og evaluering av tiltaksplan.
• Utarbeiding og oppfølging av vedtak etter Hotjl. kap. 9.
• Datakunnskap.
• Gode kunnskapar i norsk, munnleg og skriftleg.
• Krav om førarkort klasse B.
• Politiattest. 
• Oppgje referanse.

Personlige egenskaper:

• Forutan gode faglege kvalifikasjonar ser vi etter fleksible, stabile og pliktoppfyllande personar med god framferd som likar å arbeide med mennesker.
• Du må vere ressurs og løysningsorientert, og ha evne til å arbeide både sjølvstendig og i team.
• Du må ha evne til å vere roleg i uførutsette hendingar og tåle stress. 
• Arbeide systematisk etter dagleg arbeidsplan og rutinar. 
  
• Bidra til gode resultat gjennom felles mål,verdiar, tverrfagleg samarbeid og kompetanseheving. 
• Evne til å bidra til eit positivt arbeidsmiljø og fagmiljø er viktig.

Personlege eigenskapar vert vektlagt.

Vi tilbyr:

• Eit positivt og engasjert fagmiljø.
• Interessant og utfordrande jobb med varierte arbeidsoppgåver.
• Løn etter gjeldande tariff. Frå løna vert trekt 2% innskot til pensjonsordning.
• Vanleg kommunale tilsettingsvilkår.
• God opplæring og moglegheit for fagleg påfyll.