IPS jobbspesialist 2x100% mellombels stilling med moglegheit for fast stilling – NAV Øygarden

Øygarden kommune er den nest største kommunen i Vestland fylke med omlag 38 500 innbyggjarar og 2 500 tilsette. Straume er kommunesenter (ca. 15 minutt køyring frå Bergen) med kommunedelsenter på Rong og i Skogsskiftet.

Øygarden kommune har sett seg som mål å vera ein framtidsretta og kunnskapsbasert samfunnsutviklar med fortrinn innanfor energi, teknologi og marine ressursar. Kommunen skal løfta fram viktige verdiar som felles kultur, språk og identitet. Vi har ambisjonar om å vera ein handlekraftig og effektiv organisasjon med god leiing, høg kompetanse og kvalitet.

Om NAV Øygarden

NAV Øygarden har ca 80 tilsette fordelt over fire avdelingar. Stillinga som IPS jobbspesialist er organisert under avdeling for integrering og jobbstøtte. Du vil bli ein del av eit etablert og godt jobbspesialistmiljø.

 

Bakgrunn for stillinga:

Øygarden Kommune har fått midlar frå Helsedirektoratet og har derfor moglegheit for å lyse ut to IPS-jobbspesialist stillingar med varigheit på eit år. Det er ein klar målsetjing at prosjektet skal bli fast. Som jobbspesialist skal du samarbeide tett med eininga for Psykisk helse og rus.

Individual Placement and Support (IPS). IPS er ein oppfylgingsmetodikk som skal legge til rette for at personar med psykiske lidingar skal få og behalda løna arbeid. Metodikken inneber at jobbspesialist og kommunehelsetenesta jobbar tett saman og drar nytte av kvarandre sitt fagfelt. Arbeidsperspektivet skal vere ein integrert del av behandlingsløpet.

Målgruppa er personar under 35 år med alvorlege/ moderate vanskar knytt til psykiatri og/eller rus. Føresetnaden er eit ønske om tilbakeføring eller hjelp til å skaffe seg ordinært arbeid

 

Arbeidsoppgåver:

• Følgje opp deltakarar med moderate til alvorlege psykiske lidingar, som til tross for dette er motiver for ordinært arbeid
• Følgje kvalitetsskalaen for Individuell Jobbstøtte i oppfølgingsarbeidet
• Følgje opp eigen portefølje og med det identifisera jobbsøkjar sine interesse, sterke sider, ferdigheiter og evne
• Oppsøkje bedrifter, skape dialog med arbeidsgjevarar og byggje nettverk
• Du skal engasjere og motivere både jobbsøkjarane og arbeidsgjevarane

 

Kvalifikasjonar: 

Må ha:

• Minst tre-årig høgare utdanning til dømes innan helse/sosial/pedagogikk /samfunnsfag/ marknadsføring eller leiing.

Ønskjeleg med:

• Ein fordel med vidareutdanning eller arbeidserfaring innan rus og/eller psykisk helse, IPS/ SE
• Erfaring frå rettleiingsarbeid, oppfylgingsarbeid, marknadsarbeid og rekruttering
• Kjennskap til metodikken Individuell jobbstøtte (SE)
• Kompetanse innan samtalemetodikk som til dømes Motiverande Intervju (MI)
• Solid kunnskap om dagens arbeidsmarknad og marknadstrender
• Førarkort for personbil – Klasse B
• God munnleg og skriftleg framstillingsevne
• God digital kompetanse

 

Personlege eigenskapar:

• Ha tru på at alle menneske, til tross for psykiske helseutfordringar, kan få og beholde løna arbeid
• Du er flink til å snakke med folk og oppnår gode relasjoner
• Ha evne til å jobbe resultatorientert og samtidig vere opptatt av god kvalitet
• Kan prioritere og ha god oversikt over oppgåver, men samtidig evne til å handtere det uventa
• Er ein lagspelar som deler erfaringar med andre i team, avdeling og på kontoret

Vi legg stor vekt på personlege eigenskapar

 

Vi tilbyr:

• Gode pensjons- og forsikringsordningar
• IA-bedrift
• Motiverte og kunnskapsrike kollegaer
• Interessante utfordringar
• Høve til fagleg og personleg utvikling

 

Kontakt:

Avdelingsleder for integrering og jobbstøtte, NAV Øygarden , Jonas Dahl Bakke, telefon 90922324

           

 

Øygarden kommune ønskjer eit arbeidsmiljø prega av mangfald, og at våre medarbeidarar i størst mogleg grad skal spegla mangfaldet i befolkninga. Vi oppmodar alle som er kvalifiserte til å søkja jobb hos oss uansett alder, funksjonsevne, kjønn, eller minoritetsbakgrunn. Som IA-verksemd ønskjer kommunen å leggja til rette for arbeidsforholda dersom du har behov for det.

Etter utløpet til søknadsfristen, vert det sett opp ei offentleg søkjarliste med namn, alder, stilling eller yrkestittel og bustads- eller arbeidskommune for kvar søkjar. Det kan gjerast unntak frå innsyn for opplysningar om ein søkjar dersom vedkomande sjølv ber om det. Opplysningar om ein søkjar, kan verta offentlege sjølv om søkjaren har bede om ikkje å vert ført opp på søkjarlista. Dersom oppmodinga ikkje vert teken til følgje, vert søkaren varsla om dette.

Ved vurderinga av om ei slik oppmoding skal takast til følgje, skal det leggjast vekt på om det knyter seg særleg offentleg interesse til stillinga.