Helsestasjonen yt helsefremjande og førebyggande tenester til barn, unge og deira familiar, samt svangerskapsomsorg. Vi har avdelingar på Vassenden/Skei, Naustdal, Sande og Førde.

Sunnfjord kommune styrkar no satsinga på barn og unge. Vi er i oppstartfasen med å etablere eit psykisk helseteam for barn, unge og deira familiar, og denne avdeling ligg under Helsestasjonen. Teamet skal vere eit lågterskel tilbod til barn og unge i målgruppa 0 år til og med vidaregåande opplæring, samt rettleiing til foreldre/føresette om barn og unge sin psykiske helse. Teamet skal vere eit førebyggande og behandlande psykisk helsetilbod, i tett samarbeid med Helsestasjonen 0 – 5 år og skulehelsetenesta, og er tverrfagleg samansett med spisskompetanse på psykisk helse, rus, åtferd og foreldrestøtte-/rettleiing.

Vi har ledig følgande stilling:

• 200 % fast stilling som helsesjukepleiar i skulehelsetenesta og helsestasjonen 0 - 5 år.

Kvalifikasjonar:

• Offentleg godkjend utdanning som helsesjukepleiar
• erfaring med arbeid som helsesjukepleiar i skulen og ved helsestasjon 0 - 5 år
• sjukepleiar under utdanning som helsesjukepleiar kan òg søke

Du må ha førarkort kl. B, og disponere eigen bil. Gyldig politiattest må leggast fram før start i stilling. 

Vi legg vekt på at du har:

• erfaring frå arbeid med barn, unge og familiar
• gode kommunikasjonsevner knytt til brukarar
• gode samarbeidsevner og dialog med kollegaer
• evne til å vere fleksibel og tilpassingsdyktig i høve oppgåver
• kunne jobbe både sjølvstendig og i samhandling med andre
• evne til å jobbe metodisk, strukturert og løysningsorientert
• god datakompetanse, vilje og evne til å lære nye datasystem, samt erfaring med elektronisk pasientjournal

Vi tilbyr:

• ein meiningsfylt og sjølvstendig arbeidsdag med varierte oppgåver
• godt arbeidsmiljø og engasjerte kollegaer
• konkurransedyktig løn med kr 10 000 + kr 20 000 over tariffløn, samt kompetansetillegg for relevant utdanning
• god pensjons- og forsikringsordning

 

Du søker elektronisk.

 

Velkommen som søkar. Vi ser fram til å høyre frå deg!