Heimetenesta i Gol kommune har ansvar for rundt 160 brukarar. Vi søker deg som ønsker å bidra i utviklinga av framtidas helse- og omsorgstenester, og som vil jobbe i eit sterkt fagleg og engasjert miljø. Vi er opptekne av kvalitet, fagutvikling og har eit framifrå samarbeid både i personalgruppa og med andre tenester i kommunen.

Vi utfører eit breitt spekter av oppgåver innan førebygging, behandling og tilrettelegging for meistring ved sjukdom, skade og nedsett funksjonsevne. Arbeidsdagen er varierte og det er stadige endringar gjennom dagen. Tenesta blir gitt både i omsorgsbustader og rundt i bygda.

Heimetenesta består av ei personalgruppe med ulik bakgrunn og fagkompetanse. Godt samarbeid er ein føresetnad for å sikre heilskaplege og koordinerte tenester. Medarbeidarane våre er den viktigaste ressursen vi har. Arbeidsmiljøet er prega av profesjonalitet, utvikling og gode relasjonar.

Stillinga på 100 % inneber todelt turnus med arbeid kvar 4.helg med langvakter på 12,5 timer.

Arbeidsoppgåver:

Arbeidet omfattar mellom anna støtte i daglege ADLoppgåver, bistand til å oppretthalde god ernæringsstatus, sårstell og medikamenthandtering. Innhaldet i stillinga skal bidra til tryggleik, meistring og sjølvstende for den enkelte brukaren i heimen, og vil dermed variere etter brukarens individuelle behov.

Ein viktig del av arbeidet er å observere og kartlegge helsetilstand, endringar i funksjon og behovet til den enkelte. Relevante observasjonar, kartleggingar, tiltak og arbeidsoppgåver dokumenterast i munnleg rapport og skriftleg journalsystemet.

Du bidreg til å sikre forsvarlege pleie- og omsorgstenester, og til at oppgåver blir utførte i tråd med kvalitetskrav og gjeldande lovverk.

Kvalifikasjonar:

• Autorisert helsefagarbeidar/hjelpepleiar eller anna relevant fagutdanning
• Nasjonal norskprøve nivå 3/B1,bestått både munnleg og skriftlig
• Førarkort B

Vi ønsker at du:

• Opptatt av faget og er utviklingsorientert
• Er sjølvstendig, strukturert og ansvarsfull
• Nøyaktig
• Fleksibel, omstillingsvillig, løysingsorientert
• Har gode kommunikasjons og samarbeidsevner
• Hjelpsam, omsorgsfull og empatisk
• Liker utfordringar
• Trivest med høgt tempo
• Har gode IKT kunnskapar. Vi bruker per i dag Gerica. Nytt EPJ system 2027

Personlege eigenskapar vil bli tillagt stor vekt.

Vi tilbyr:

• Varierte arbeidsoppgåver med moglegheit for å påverke og utvikle tenesta
• Et breitt spekter av utfordringar med brukarar i alle aldersgrupper og med ulike hjelpebehov.
• Vi jobbar etter personsentrert omsorg
• Kvardagsrehabilitering er eit satsingsområde.
• Kurs, opplæring og utdanning
• Delta i fagleg forum
• Konkurransedyktig lønn.
• Dyktige, inkluderande og hyggelege kollegaer

Anna:

Gyldig politiattest må leggast fram. Godkjende kopiar av vitnemål og attestar skal takast med ved eventuelt intervju, og ansiennitet blir rekna ut frå desse.

I søknadsskjemaet er det mogleg å krysse av dersom du ønskjer at søknaden ikkje skal bli offentleggjort. Dette må grunngjevast.

Vi gjer merksam på at opplysningar om søkjarar likevel kan bli offentleggjorde, jf. offentleglova § 25. Du vil då bli varsla på førehand, slik at du får høve til å trekkje søknaden.

Send søknad:

Benytt elektronisk søknadsskjema.

Alle søkarar får kvittering på at søknaden er motteken, når det er fylt ut rett e-postadresse i søknaden.

Søknadsfrist: 19. april 2026