Førde bu- og miljøteneste, eining 2, yter døgnkontinuerlege tenester til personar med psykisk utviklingshemming som har behov for langvarige og koordinerte tenester. 

Arbeidsoppgåvene er knytte til praktisk bistand og opplæring i daglege gjeremål. Dette inneber å gje støtte til å meistre eigen kvardag, ivareta psykisk og fysisk helse, samt bidra til deltaking i sosiale aktivitetar. 

Personalbasen er knytt til omsorgsbustader, men vi yter også tenester til personar som bur andre stader i Førde. Hos oss får du varierte og meiningsfulle arbeidsoppgåver, faglege utfordringar og høve til utvikling. Vi legg stor vekt på kvalitet i tenestene og kontinuerleg fagutvikling.

Vi har ledig:

• faste helgestillingar (13 % - 25 % stilling) 
• stillingar med ordinære vakter med arbeid kvar 3. helg
• stillingar med langvakter med arbeid kvar 4. helg.

Kvalifikasjonar: 

• offentleg godkjent helsefagarbeidar

Vi oppmoder også alle andre med relevant erfaring eller interesse for arbeidet om å søke.
Dei vil bli tilsett i mellombels stilling i inntil 6 månader.

Studentar innan vernepleie eller sjukepleie får løn etter eiga studentlønsordning med progresjon gjennom studiet.

Vi ser etter deg som: 

• har interesse for og glede av å arbeide med menneske med samansette behov
• har gode kommunikasjons- og samarbeidsevner
• kan arbeide både sjølvstendig og i team
• er fleksibel, løysingsorientert og påliteleg
• har evne til fagleg refleksjon og bidreg til god etisk praksis
• har grunnleggjande IKT-kompetanse
• er engasjert i å motivere og aktivisere brukarane, og trivst med fysisk aktivitet

Andre krav:

• førarkort klasse B
• gode norskkunnskapar, skriftleg og munnleg
• gyldig politiattest må leverast før start i stilling
• søknad skal sendast elektronisk

Velkomen som søkar!

 Alle søkarar kjem på offentleg søkarliste, jf. offentleglova § 25. Fritak frå offentleggjering blir gjort unntaksvis og du må grunngje kvifor du skal unntakast offentlegheit i tekstfeltet til søknaden.