Gartnar/anleggsgartnar 100% fast – Tenesteområde Park, plassar og torg

Øygarden kommune er den nest største kommunen i Vestland fylke med omlag 38 500 innbyggjarar og 2 500 tilsette. Straume er kommunesenter (ca. 15 minutt køyring frå Bergen) med kommunedelsenter på Rong og i Skogsskiftet.

Øygarden kommune har sett seg som mål å vera ein framtidsretta og kunnskapsbasert samfunnsutviklar med fortrinn innanfor energi, teknologi og marine ressursar. Kommunen skal løfta fram viktige verdiar som felles kultur, språk og identitet. Vi har ambisjonar om å vera ein handlekraftig og effektiv organisasjon med god leiing, høg kompetanse og kvalitet.

Om avdelinga:

Øygarden kommune er ein inkluderande kommune som legg vekt på å leggje til rette slik at tilsette med ulike føresetnader skal ha ein god og meiningsfylt arbeidsplass.

Vår eminente anleggsgartnar går av med pensjon frå november og vi søkjer no hans erstattar.

Difor har vi no ledig ein spanande og utfordrande stilling som gartnar/anleggsgartnar. Stillinga er tilknytt tenesteområde Park, plassar og torg. Tenesteområde er ein del av Eigedom, drift og vedlikehald (EDV) og er lokalisert i Bildøybakken 105 nær Straume.

Tenesta sitt ansvarsområde er å halde ved like grønt-og parkanlegg ved kommunale bygg og anlegg, kommunale kunstgrasbanar,turvegar, rydding av skog og vedlikehald av minnestøtter. Har også delansvar for kommunale leikeområder i samarbeid med Byggdrift.

Tenesta har 6 tilsette inkludert to VTA-O arbeidsplassar (varig tilrettelagt arbeid - i ordinær verksemd).

Stillinga som gartnar/anleggsgartnar vil ha hovudansvaret for planlegging av arbeidet kring opparbeiding, drift og vedlikehald av kommunen sine park og grøntanlegg, samt rekreasjonsområder som kommunen har ansvar for.

Stillinga som gartnar/anleggsgartnar vil også ha eit ansvar for å utarbeide årshjul for tenesteområdet sine oppgåver og aktivitetar. Stillinga vil også være ein del av teamet som følgjer opp og legg til rette arbeidsoppgåver for VTA-O.

Visjonen til Øygarden kommune – eit fyrtårn i vest. Verdiane tilgjengeleg, raus, kompetent, løysingsfokusert og MOT- verdiane; MOT til å leve, MOT til å bry seg og MOT til å seie nei, skal saman med visjonen vere eit verdifellesskap, og prinsippa skal ligge til grunn for alt vi gjer.

Arbeidsoppgåver:

• Legge opp årshjul for ulike oppgåver for tenesteområdet.
• Drift og vedlikehald av kommunale parkar og grøntområder ved:
  • Rådhuset på Straume og kommunedelsentra i Skogsskiftet og Rong.
  • Helselansdbyen på Straume og omsorgssentra i Skogsskiftet og Rong.
  • Parkanlegg i Straume sentrum som kommunen har ansvar for.
• Bistå og rettleie ved beskjæring og trefelling ved skular, barnehagar og andre offentlege bygg.
• Være med å planlegge og drifte kommunale turvegar.
• Bekjempe svartelista plantar på kommunale eigedommar (eksempelvis Parkslirekne)
• Rådgje og rettleie grunneigarar i fjerning av svartelista plantar. 
• Ta aktiv del i oppfølging og tilrettelegging av oppgåver inn mot VTA-O
• Arbeidstrening for ungdom.
• Halde rekreasjonsområder med høg publikumsverdi i hevd.

Kvalifikasjonar: 

Må ha:

• Fagutdanning som Gartnar, alternativt Anleggsgartnar.
• Sertifikat klasse BE som minimum.

 Ønskjeleg med:

• Erfaring frå drift og vedlikehald av parkar og grøntområder.
• Autorisasjon for bruk av plantevernmidlar.
• Erfaring med årshjulplanlegging

Personlege eigenskapar:

• Vi søkjer etter ein person som kan omsette verdiane til Øygarden kommune i den praktiske kvardagen.
• Vi søkjer ein person med gode samarbeidevner, som ser den enkelte kollega som ein verdifull ressurs og som legg vekt på å skape eit godt arbeidsmiljø.
• Vi søkjer ein person som inngår i teamet kring VTA-O arbeidsplassane, difor vil personlege eigenskapar bli særleg vektlagt.

Vi tilbyr:

• Gode pensjons- og forsikringsordningar
• IA-bedrift
• Motiverte og kunnskapsrike kollegaer
• Interessante utfordringar
• Høve til fagleg og personleg utvikling

Kontakt:

Tenestekoordinator for Parkar,plassar og torg.

Lars Fjærtoft - 91853338

 

Øygarden kommune ønskjer eit arbeidsmiljø prega av mangfald, og at våre medarbeidarar i størst mogleg grad skal spegla mangfaldet i befolkninga. Vi oppmodar alle som er kvalifiserte til å søkja jobb hos oss uansett alder, funksjonsevne, kjønn, eller minoritetsbakgrunn. Som IA-verksemd ønskjer kommunen å leggja til rette for arbeidsforholda dersom du har behov for det.

Etter utløpet til søknadsfristen, vert det sett opp ei offentleg søkjarliste med namn, alder, stilling eller yrkestittel og bustads- eller arbeidskommune for kvar søkjar. Det kan gjerast unntak frå innsyn for opplysningar om ein søkjar dersom vedkomande sjølv ber om det. Opplysningar om ein søkjar, kan verta offentlege sjølv om søkjaren har bede om ikkje å vert ført opp på søkjarlista. Dersom oppmodinga ikkje vert teken til følgje, vert søkaren varsla om dette.

Ved vurderinga av om ei slik oppmoding skal takast til følgje, skal det leggjast vekt på om det knyter seg særleg offentleg interesse til stillinga.