Gulen frivilligsentral er organisert under eining Oppvekst og kultur, og har ledig 100% fast stilling som frivilligkoordinator frå 01.04.2023 eller tidlegare om mogleg. Frivilligkoordinatoren får ei sentral oppgåve i å vidareføre arbeidet til Gulen Frivilligsentral.

Gulen Frivilligsentral ynskjer å bidra i samordninga av det frivillige arbeidet i kommunen. Sentralen skal stimulere til frivillig innsats og bidra til å utvikle eit levande lokalmiljø kor folk møtast og tek medansvar i oppgåver som lokalsamfunnet treng løyse. Me ser etter ein frivilligkoordinator som kan vere ein pådrivar i dette arbeidet.

 

Arbeidsoppgåver

• Ansvarleg for drifta av Frivilligsentralen.
• Inspirere til og koordinere frivillig innsats i lokalmiljøet.
• Arbeide for å ha oppdatert oversikt over kva innbyggjarane i Gulen kommune treng av tilbod og ordningar som kan organiserast som frivillig innsats.
• Samarbeide med kommunale avdelingar som leverer tenester til innbyggjarar i alle aldrar, som barnehage, skule, kultur, heimetenesta, sjukeheim m.m.
• Rettleiie og hjelpe lag og organisasjonar i planlegging og organisering av aktivitetar.
• Vere ein ressurs for dei som treng hjelp til å søkje tilskot frå offentlege eller private aktørar.
• Organisere og vedlikehalde aktivitetskalendar på nett, oppdatere nettside, kommunisere via sosiale media og lage lister/oversikter.
• Planlegge og organisere utlånsbase med fritidsutstyr.
• Andre arbeidsoppgåver kan kome til. 

 

Kvalifikasjonar

• Relevant utdanning kan vere ein fordel
• Kunne arbeide sjølvstendig og ta ansvar for drifta av frivilligsentralen
• Vere flink med folk og ha god kommunikasjon med menneske i alle aldrar
• Snakke og skrive godt norsk
• Ha god brukarkompetanse på data
• Kunne setje deg inn i reglar og prosedyrar for ulike tilskotsordningar, skrive søknadar og rettleie andre i å søkje
• Ha førarkort klasse B

 

Personlege eigenskapar

Me ser etter deg som:

• Brenn ekstra for frivillig arbeid og ser verdien dette har i lokalsamfunnet
• Møter andre på ein respektfull og open måte
• Er serviceinnstilt, engasjert, kreativ og løysingsorientert
• Er samarbeidsorientert, initiativrik og sjølvstendig
• Har positiv tilnærming til arbeidsoppgåvene.

Å vere personleg eigna kan verte vektlagt ved tilsetjing

 

Anna

• Tenestespråket i Gulen kommune er nynorsk 
• Tilsetjing etter gjeldande lover, føresegner og avtalar
• For tilsetjing innan pleie og omsorg, PU, i skular og i barnehagar, vert det stilt krav om politiattest
• Me gjer merksam på at søkjarlister med namn, kjønn, alder og noverande stilling er offentleg informasjon. Dersom søkjarar likevel ber om konfidensiell handsaming, og grunner for å unnta offentleggjering ikkje vert godkjent, får søkjaren høve til å trekke søknaden sin før offentleggjering.

 

Me tilbyr

• Ei sentral rolle i kommunen sin organisasjon, med spanande og utfordrande arbeidsoppgåver i ein kommune med engasjerte innbyggjarar og tilsette
• Gode fagmiljø innan eit mangfald av fagområde
• Høve til fagleg og personleg utvikling
• Løn etter tariff
• Gode pensjons- og forsikringsordningar