Ål introsenter har ledig ei 100% stilling som flyktningkonsulent/miljøarbeidar. Stillinga er mellombels, med foreløpig tilsetting i åtte månadar. Oppstart snarast mogleg/etter avtale.

Har du motivasjon og engasjement for å bidra til at flyktningar raskast mogleg vert sjølvstendige og aktive medborgarar som finn seg til rette i lokalsamfunnet vårt? Ønsker du spennande og meiningsfylte arbeidsoppgåver innan eit viktig samfunnsområde?
Då kan dette vere jobben for deg. Vi søker ein trygg og engasjert medarbeidar som vil vere med å vidareutvikle arbeidet med busetting, etablering, kvalifisering og inkludering av flyktningar i kommunen vår.
I 2022 vart det busett 90 flyktningar i Ål kommune. I 2023 skal det busettast 50 flyktningar. Ål introsenter held til på Ål kulturhus og er organisert i oppvekstsektoren.

Arbeidsoppgåver

• praktiske og administrative oppgåver ved busetting og etablering av flyktningar
• tett oppfølging og rettleiing av familiar etter busetting, blant anna knytt til kvardagsliv i eit nytt land og hjelp med praktiske oppgåver
• gjennomføring av introduksjonsprogram, blant anna temaundervisning
• oppfølging av språkpraksisplassar
• samarbeid med andre tenester i kommunen
• andre aktuelle oppgåver

Noko arbeid på ettermiddags-/kveldstid og i skuleferiane må påreknast.

Kvalifikasjonar

• relevant utdanning
• erfaring med og interesse for arbeid med menneske frå ulike kulturar. Relevant erfaring kan kompensere for kravet om utdanning
• god kjennskap til samfunnsliv, utdanningssystem og arbeidsliv
• bør ha førarkort og disponere bil
• det er ein fordel med språkkunnskapar i ukrainsk/russisk, men det er ikkje eit krav.

Vi ønskjer oss ein medarbeidar som

• har engasjement for faget og brukargruppa
• er positiv, fleksibel og løysningsorientert
• kan jobbe sjølvstendig
• har gode samarbeids- og kommunikasjonsevner
•  har evne til å motivere menneske i ulike livssituasjonar og møte dei med respekt
• kan sette grenser i krevjande situasjonar
• personlege eigenskapar vert vektlagd

Me kan tilby

• spennande og meiningsfulle arbeidsoppgåver
• eit hyggeleg og engasjert arbeidsmiljø
• fleksibel arbeidstid
• lønn etter avtale
• pensjonsordning i KLP

Send søknad
Vitnemål og attester legg du inn saman med søknaden. 
Søkjarar som ynskjer å vere unnateke offentlegheit må grunngje dette særskilt. I samsvar med Offentleglova § 25 kan opplysningar om søkjarar bli offentleggjort sjølv om søkjaren har bede om å ikkje bli ført opp på søkjarlista, men dette vil du i så fall få varsel om.