`
HARAM KOMMUNE HAR LEDIG FASTLEGELISTE FRÅ 01.03.20.

Den ledige lista er ved Tennfjord legekontor, og er godt innarbeidd av fastlege som har vore i praksisen over lang tid. Det er 1000 innbyggarar på lista, og over hundre på venteliste  Lokala er nye og moderne, samlokalisert med fysioterapeut og kiropraktor. Kontoret er godt utstyrt, journalsystem er System X. 

Det er 10 fastlegar og 1 turnuslege i kommunen;  1 ved Tennfjord legekontor, 3 ved Vatne legekontor, 4 + 1 turnuslege ved Brattvåg legekontor samt 2 fastlegar ved Haramsøy legekontor. I tillegg kommuneoverlegestilling i interkommunal ordning. 

Driftsforma i dag er eit AS, den nye legen vil kunne kjøpe seg inn eller eventuelt inngå leiegavtale.  Legen blir ansvarleg for drifta av legekontoret.
 

Lista har per i dag ikkje offentleg legearbeid, men  kan tilleggast inntil 7,5 t/v.  
 
Kommunen har interkommunal legevaktsordning frå kl 15 – 08, med legevakt lokalisert i nye lokale rett ved sjukehuset i Ålesund (kort reiseveg frå legekontoret).  Om lag 25-delt vakt på ettermiddag/helg og om lag 40-delt vakt på natt. Vi  har bruk for ein lege som kan ta del i legevaktsordninga.
 
Vi vektlegg at du har godkjend utdanning som spesialist i allmennmedisin, eventuelt er under spesialisering, gode evner i norsk munnleg og skriftleg, positiv innstilling og fagleg engasjement som gjer deg eigna til jobben. Kommunen vil etter avtale tilrettelegge for fullføring av spesialisering. 
 
Tildeling og overtaking skjer på dei vilkår som til ei kvar tid går fram av gjeldande lover og avtaleverk. (”Goodwill”).
Politiattest av nyare dato må leggast fram.
 
Oppstart kan avtalast tidlegare dersom ønskeleg.