Giske kommune har ledig fastlegeheimel med listestorleiek 800. Oppstart frå 01.05.2025 eller etter avtale.

I tillegg har vi ledig vikariat for fastlege med listestorleik 950. Vikariatet er ledig i eitt år frå 16. juni 2025. Det kan også vere aktuelt å inngå avtale om vikariat for delar av perioden.

Oppgi i søknaden om du er aktuell for begge stillingane, eller kun den eine. 

Kommunen søker tilskott frå Helsedirektoratet for midlar til ALIS-avtale som vil kompensere utgifter og tapte inntekter knytt til spesialisering for ALIS.

Praksis ved Giske kommunale legesenter, lokalisert på Valderøya. Gruppepraksis med 11 fastlegar og ein LIS1. Senteret er velorganisert og har fokus på godt arbeidsmiljø og samarbeid. Det er tilsett dagleg leiar med ansvar for alt administrativt. Stabilt og velfungerande hjelpepersonell. Journalsystemet er Infodoc Plenario.

Vi har erfarne spesialistar i allmennmedisin som rettleiarar for ALIS. God moglegheit for løpande supervisjon og rettleiing i tillegg.

Fastlegen arbeider som sjølvstendig næringsdrivande. Legesenteret blir drifta av eit kommunalt eigd aksjeselskap, Giske kommunale legesenter AS. Legen inngår leigeavtale med driftsselskapet.

Det er ikkje knytt kommunal deltidsstilling til nokon av desse fastlegeheimlane.

Deltaking i 10-delt legevakt kveld og helg ved Giske legevakt. Deltaking i interkommunal nattlegevakt i Ålesund med minimum 5 nattevakter i året.

I tillegg til formell kompetanse blir personlege eigenskapar og at ein er skikka for stillinga vektlagt.

Kvinnelege legar blir oppfordra til å søkje.

Kvalifikasjoner:

• Autorisasjon som lege, helst med erfaring frå allmennmedisin.
• Oppfyller kompetansekrav for legar i kommunen. http://lovdata.no/dokument/SF/forskrift/2017-02-17-192
• Gode norskkunnskapar, både munnleg og skriftleg.
  
• God digital kompetanse.

Personlige egenskaper:

• God på kommunikasjon og samarbeid.
• Evne til initiativ og til å vere fleksibel og løysingsorientert.
• Evne til å arbeide strukturert og målretta.

 

Andre opplysningar:

• Det er krav om gyldig politiattest av ny dato.
• Søkjar må ha sertifikat og kunne disponere eigen bil.
• Dokumentasjon på utdanning skal sendast i lag med søknaden.
  
  

Vi tilbyr:

• Spanande arbeidsoppgåver
• Gode kolleger og hyggeleg arbeidsmiljø
• God fagleg støtte og rettleiing for uerfarne legar