Vi søkjer deg som vil bli ein del av vårt team. Vi har ledig både vikariat og ein fastlegeavtale.

Sula kommune har ledig fastlegeavtale tilknytt kommunelegekontoret. Listetak på 900 pasientar, men 700 pasientar på lista no. Oppstart etter nærmare avtale

Kommunen har også eit ledig vikariat for perioden 22.04.2025 - 01.01.2026. Det er ein nyoppretta avtale med listetak på 700, men den er ikkje full.

Det er ikkje knytt kostnader til oppstart av fastlegeavtalen (goodwill). 

Kommunelegekontoret har i dag 10 fastlegar og ein LIS1-lege. Nesten alle fastlegane er spesialistar i allmennmedisin. Ein har også dyktige medarbeidarar i form av helsesekretærar og sjukepleiarar. Kontoret har fokus på godt samarbeid, god kompetanse og tenesteutvikling, alt for at både pasientar og medarbeidarar skal trivast.

Driftsforma er basert på næringsdrift som hovudmodell der legen betaler leige til kommunen for lokaler, utstyr og personell m.m. Fastlegar med driftsavtale får utbetalt basistilskotet og betalar husleige til kommunen berekna etter listetal (8.2-avtale). Ingen av legane har ansvar for generell drift og personalansvar, det er det kommunen som tar seg av.  

Kommunelegekontoret har hatt stabil legedekning i lang tid, og det har jevnlig blitt oppretta nye avtalar. Gjennomsnittleg listelengde er ca 900. Fastlegane samarbeidar godt og bistår kvarandre med faglege vurderingar av pasientar. Det er viktig for kommunen å tilby gode arbeidsvilkår tilpassa ulik livssituasjon for legen. Fastlønn i inntil to år kan, om ønskeleg, tilbydast som rekrutteringstiltak i forhold til fastlegeavtalen.

Ta gjerne kontakt om du ønskjer meir informasjon

Kvalifikasjoner:

 Søkjar må ha norsk autorisasjon

 LIS1, eller tilsvarande, må vere gjennomført og godkjent

 Spesialist i allmennmedisin eller klar til å starte spesialisering LIS3

 Andre relevante faglege kvalifikasjonar og relevant erfaring vil bli vurdert, sett i lys av å utfylle den totale kompetansen blant fastlegane i kommunen.

 Fagleg oppdatert på relevant kunnskap

 Må beherske norsk språk godt, både munnleg og skriftlig

 Må ha sertifikat klasse B og kunne disponere bil

Personlige egenskaper:

 Du er god på kommunikasjon, samarbeid og skapar gode relasjonar til pasientar og kollegaer 

 Du er fleksibel, engasjert og motivert for jobben

Det vil bli lagt vekt på personlege eigenskapar og gode samarbeidsevne.

Vi tilbyr:

 Kommunen er registrert utdanningsverksemd for ALIS

 Kommunen vil legge til rette for spesialisering i allmennmedisin, LIS3

 Rettleiing og supervisjon frå erfarne fastlegar

 Heimekontorordning i samsvar med lokal avtale

 Tildeling av avtale og overtaking av praksis skjer på dei vilkår som til ei kvar tid går fram av gjeldande lover og avtaleverk.

 Godt samarbeid mellom fastlegane og administrasjonen i kommunen.

 Å få arbeide i eit velutstyrt og triveleg arbeidsfellesskap med godt kvalifiserte medarbeidarar som har fokus på tenesteutvikling

 Godt tverrfaglig samarbeid med dei andre tenestene i kommunen.

 Gratis parkering