Har du erfaring frå laboratoriearbeid og akuttmedisin?  Har du motivasjon og interesse for fagfeltet, og trivs med ein travel kvardag? 

Me søkjer deg som kan ta i eit tak når det er nødvendig, og beheld roen når det skjer mange ting på ein gong.

Ved avdeling legetenester / øvre Hallingdal legevakt / Hallingdal legevaktsentral er det ledig en 75% stilling og en 100 % fast stilling som sjukepleiar i 3-delt turnus. Stillingane er ledige frå 01.01.2022.

Me kan tilby eit solid fagmiljø ved avdeling Legetenester, som er lokalisert i same bygnad som Hallingdal Sjukestugu, prehospitale tenester med luftambulanse og Ål Helsesenter. Det er nye vel utstyrte lokalar som er godt tilrettelagt med eige laboratorie/undersøkingsrom og eigne lokalar for legevakt. I 2022 har me eit prøveprosjekt med langvakter i helg, med arbeid kvar 4. helg. Legekontoret har for tida sjukepleiarar i alle medarbeidarstillingar. Det er i dag legevaktsamarbeid med nabokommunen Hol, og felles nattlegevakt for Hallingdal med base på Ål, og med Ål som driftsansvarleg kommune.

Arbeidsoppgåver

• handtere førespurnader og vurdere hastegrad frå innbyggjarar og gjester i Ål kommune, som treng medisinsk hjelp
• samhandle og assistere med legevaktslege for å sikre trygge pasientforløp.
• prøvetaking og analysering
• gje relevant råd og rettleiing til pasientar
• medikamenthandtering
• bidra til å utføre relevante driftsoppgaver ved Ål Legekontor
• bemanne teststasjon for covid 19 ved Ål Legekontor
• ansvar for Hallingdal Legevaktsentral og alle førespurnader på 116117 i Hallingdal, og er medhjelpar til lege ved behov for assistanse.

Kvalifikasjonar

• bachelor i sjukepleie eller paramedic
• gode norsk munnleg og skriftleg framstillingsevne
• erfaring frå arbeid ved legekontor og/eller legevakt blir tillagt vekt
• sertifikat kl B
• Personlege eigenskapar
• du må kunne jobbe sjølvstendig, vere løysningsorientert, samt evne å ta raske beslutningar
• du bør takle eit høgt arbeidstempo og periodevis et høyt stress nivå
• du må vere samarbeidsvillig, fleksibel og takle omstilling

Personlege eigenskapar blir tillagt vekt

Me tilbyr

• Årsturnus
• prøveprosjekt i 2022 med langvakter i helg, 4. kvar helg.
• fagleg spennande, utfordrande og varierte arbeidsoppgåver, der få dager er like
• høgt fagleg nivå og god fagdekking
• høve til fagleg og personleg utvikling
• internundervisning og faglig påfyll
• full barnehagedekning i kommunen
• hjelp til å skaffe bustad
• lønn og arbeidsvilkår i samsvar til lov og avtaleverk, samt rekrutteringstillegg
• pensjonsordning i KLP

Politiattest

I Ål kommune må alle som skal arbeide innan helse og omsorg vise fram godkjent politiattest, som er nyare enn 3 månader ved tilsetting.

Send søknad

Bruk elektronisk søknadsskjema som ligg på adresse www.aal.kommune.no under linken "Ledige stillingar".

Søkjarar som ynskjer å vere unnateke offentlegheit må grunngje dette særskilt i søknaden.