Vi søkjer økonomisk rådgjevar til Nav Giske

Vil du hjelpe menneske i krevjande økonomiske situasjonar? Nav Giske søkjer ein engasjert og fagleg sterk økonomisk rådgjevar i 100 prosent fast stilling.

Nav Giske består av 15 engasjerte medarbeidarar og eit godt fagmiljø. Verksemda er utviklingsorientert med høge ambisjonar, og vi legg stor vekt på brukarmedverknad og samhandling. Gjennom innsatsen vår får fleire moglegheit til å kome i arbeid, delta i samfunnet og sikre eiga inntekt.

Nav Giske tilbyr tenester til kommunen sine om lag 8 800 innbyggjarar og er ein innovativ og framtidsretta tenesteleverandør. Gjennom brukarmedverknad, samhandling og eit sterkt kompetansemiljø skal vi bidra til å hindre utanforskap, få fleire i arbeid og sikre ein velfungerande arbeidsmarknad.

Som økonomisk rådgjevar ved Nav Giske får du ei viktig rolle i arbeidet med å hjelpe innbyggjarar som opplever økonomiske utfordringar. Du blir ein del av eit engasjert fagmiljø der samarbeid, utvikling og brukaroppfølging står sentralt. Gjennom rådgjeving, rettleiing og sakshandsaming vil du bidra til at fleire får betre kontroll over eigen økonomi og større moglegheiter til å meistre kvardagen. Det må påreknast at det vil bli lagt til andre oppgåver i stillinga.

Vårt kontor jobbar tverrfagleg, og som økonomisk rådgivar vil du samhandle og samarbeide tett både internt og eksternt til det beste for brukarane. Vi har høgt arbeidstempo, som krev at du evnar å jobbe effektivt, sjølvstendig og strukturert for å lykkast.

Kvalifikasjoner:

• Høgare utdanning på minimum bachelornivå, fortrinnsvis innan økonomi, helse- og sosialfag eller samfunnsfag. Relevant erfaring innan rettleiing og økonomisk rådgjeving kan kompensere for delar av utdanningskravet
• Erfaring med rettleiing av personar i utfordrande livssituasjonar
• Erfaring med sakshandsaming og tolking av regelverk
• God økonomiforståing
• Gode norskkunnskapar både munnleg og skriftleg, minimum nivå B2
• God digital kompetanse og evne til å raskt setje deg inn i nye fagsystem
• God relasjonskompetanse

 

Det er i tillegg ønskeleg at du har:

• God forståing for Nav si rolle i samfunnet
• Erfaring med økonomisk rådgjeving
• Erfaring med frivillig og tvungen forvaltning
• Erfaring frå tverrfagleg samarbeid
• Førarkort klasse B

Personlige egenskaper:

• Du er ein relasjonsbyggar som evnar å skape tillit, kontakt og motivasjon hos brukarar i vanskelege livssituasjonar
• Du er ein trygg og tydeleg rettleiar som tør å utfordre og evner å gjennomføre
• Du arbeider resultatorientert og er oppteken av kvalitet
• Du bidreg til eit godt og utviklande arbeidsmiljø
• Du arbeider sjølvstendig, målretta og strukturert
• Du evner å sjå heilskap og handtere eit breitt spekter av oppgåver

Personlege eigenskapar og erfaring med arbeid i Nav vil bli vektlagt

Vi tilbyr:

• Spennande og meiningsfylte arbeidsoppgåver innan eit viktig samfunnsområde
• Eit sterkt fagmiljø med engasjerte kollegaer
• Gode utviklingsmoglegheiter for fagleg og personleg utvikling
• Fleksibel arbeidstid innanfor våre retningslinjer
  
• Løn og tilsetjing på kommunale vilkår