Ål kommune ser no etter 2 fagarbeidarar/assistentar til Skattebøl barnehage.

Barnehagen er ein tre-avdelings barnehage som ligg i Granhagen/Nossgrenda, ca 3 km frå Ål sentrum. Skattebøl barnehage tilbyr 60 plassar.  Barnehagen tok i bruk rom på tidlegare Skattebøl skule i 2024 og har no til saman moglegheit til å drifte fire avdelingar. Det er to avdelingar på austre bygget som er Skattebøl barnehage, og to avdelingar på Skattebøl skule, som me kallar vestre bygget. Barnehagen har eit flott og variert uteområde.

Vi likar å kalle oss ein «kultur-barnehage». Vi set også stor pris på å vere ute i all slags ver, og la barna finne glede i å vere i naturen. I Skattebøl barnehage set vi «Den gode kvardagen» i høgsetet; ein kvardag der personalet arbeider tett på barna, og der barna sin leik er høgt verdsett. Du vil arbeide saman med profesjonelle, fagleg dyktige og engasjerte pedagogar og fagarbeidarar/assistentar. Alle desse gjer ein stor innsats for at alle barna i barnehagen skal ha ein god dag.

Kvalifikasjonar

• Helst fagbrev som barn- og ungdomsarbeidar.

Personlege eigenskapar
Vi vektlegg personlege eigenskapar og ynskjer deg som

• Trivast i lag med små barn.
• Er utadvent og trygg på deg sjølv.
• Beherskar det norske tale- og skrivemålet godt.
• Er glad i å vere ute i all slags vêr, året rundt.
• Har gode kommunikasjons- og samarbeidsevner.
• Er fleksibel og løysingsorientert.
• Bidreg fagleg og sosialt i personalgruppa.

Ål kommune nyttar nynorsk som målform.

Vi tilbyr

• Ein barnehage med eit god fagleg miljø.
• Ei personalgruppe som verdsett humor i kvardagen.
• Meiningsfullt arbeid med engasjerte kollegaer.
• Pensjonsordning i KLP.
• Arbeidsforholdet er regulert av Hovudtariffavtala.
• Gode stønadsordningar og moglegheiter for personleg vekst gjennom kurs og vidareutdanning.

Politiattest og søknad

• Den som vert tilsett må legge fram politiattest ikkje eldre enn tre månader.
• Intervju kan skje fortløpande i søknadsperioden.
• Kommunen følgjer offentleglova § 25 ved eventuell offentleggjering av søkjarlista.
• Vitnemål og attestar legg du inn saman med søknaden.

Ta gjerne kontakt med oss.

Velkommen som søkjar!