Har du interesse for å jobbe med barn, og eit ønskje om å jobbe i skule og SFO? Frå 01.10 har me ledig ei fast stilling på Nedre-Ål skule. Me ser etter deg med gnist for å gjere ein forskjell i barn sin skulekvardag.

Arbeidstida er 37,5 t/veka i gjennomsnitt, men fri i alle skuleferiar. Lønsutbetalinga er derfor 89%. Det vil vere moglegheiter for å arbeide ekstra i feriar dersom du ynskjer det.

Nedre-Ål skule er ei 1-7 skule med 230 elevar og om lag 50 tilsette. Me er opptekne av friluftsliv, aktiv og praktisk læring, smart bruk av digitale hjelpemiddel og å utvikle oss saman.

Arbeidsoppgåver

• delta og engasjere seg i skulen sitt pedagogiske opplegg
• følge opp elevar med særskilde behov
• vere ei aktiv støtte for undervisninga i klassen og i grupper av elevar
• gje elevane omsorg, skape tryggheit og trivsel
• planlegge og gjennomføre aktivitetar på SFO
• samarbeid med kollegaer og ha kommunikasjon med heimane på SFO

Kvalifikasjonar

• gode norskkunnskapar
• relevant fagbrev eller arbeidserfaring

Eigenskapar

• eit brennande engasjement for å jobbe med barn
• gode samarbeids- og kommunikasjonsevner
• pågangsmot og engasjement
• er påliteleg og positiv
• fleksibel og løysingsorientert

Personlege eigenskapar vil bli vektlagd.

Me tilbyr

• arbeid i team saman med lærarar og miljørettleiarar
• ein variert og meiningsfull kvardag
• vakker natur og gode turalternativ i nærmiljøet
• eit veldig godt kultur- og idrettstilbod - Ål har gjort det skarpt på Noregs kulturbarometer over tid, og vart kåra til Noregs kulturkommune i 2021-23

Les meir om Ål

Søknad og politiattest

• vitnemål og attestar legg du inn saman med søknaden
• den som vert tilsett må legge fram politiattest ikkje eldre enn tre månader
• intervju kan bli gjennomført fortløpande i søknadsperioden
• kommunen følgjer offentleglova § 25 ved eventuell offentleggjering av søkjarlista