Vi søkjer etter ein ny flyktningkonsulent i ei mellombels stilling i 1 år frå august 2021. Fjaler kommune har busett over 60 flyktningar sidan 2015, og skal etter planen busetje fleire i 2021. For tida er det 1 fast og 1 mellombels stilling i flyktningtenesta, og kommunalsjef oppvekst er næraste overordna.

Som flyktningkonsulent hos oss, vil du i tett samarbeid med flyktningkoordinatoren ha både praktiske og administrative oppgåver. Dette gjeld i samband med mottak av nye flyktningar og rettleiing av dei som allereie er busett i kommunen. Du er god på å skape relasjonar og har interesse for å drive godt integreringarbeid. 

Kan dette vere noko for deg? Ta gjerne kontakt med oss for å få vite meir, vi ser fram til å høyre frå deg.  

Arbeidsoppgåver

• Rettleiing og oppfølging av deltakarar i introduksjonsprogrammet
• Praktisk arbeid i samband med busetjing
• Rettleiing på personleg økonomi og bustad
• Oppfølging fritid barn og unge
• Samarbeid med frivillige lag og organisasjonar
• Sikre god oppfølging av den einskilde i samarbeid med lege/helsestasjon, skule/barnehage, vaksenopplæring og NAV
• Noko arbeid på kveldstid i samband med busetting kan bli aktuelt

Kvalifikasjonar

• Minimum 3-årig utdanning på høgskule-/universitetsnivå
• Erfaring frå arbeid med flyktningar eller fleirkulturelle er ein føremon
• Førarkort klasse B
• Den som vert tilsett må legge fram godkjend politi- og tuberkulinattest før tiltreding

Personlege eigenskapar

• Interesse for integreringsarbeid
• Gode samarbeids- og kommunikasjonsevner
• Evne til å arbeide løysingsorientert og sjølvstendig

Vi tilbyr

• Løn etter utdanning og erfaring
• Gode pensjons- og forsikringsordningar
• Godt arbeidsmiljø med trivelege kollegaer

Vi gjer merksam på at søkjarliste med namn, kjønn, alder og noverande stilling i utgangspunktet er offentleg. Dersom det ikkje er særlege grunnar for å unnta offentleggjering, vil søkjaren bli kontakta og få høve til å trekke søknaden sin før søkjarliste blir gjort offentleg.