Sund ungdomsskule - med røter i fjæra og retning mot framtida

Sund ungdomsskule er ein offentleg grunnskule som ligg sør i Øygarden kommune. Vi har 343 elevar fordelt på 15 klassar, og vi er rundt 50 tilsette. Elevane som går på Sund ungdomsskule kjem frå barneskulene Stranda, Spildepollen og Skogsvåg. Leiinga ved skulen består av rektor og tre avdelingsleiarar, som er ansvarlege for kvart sitt trinn.

Hos oss på Sund ungdomsskule får du vera med på å gjera ein forskjell. Du får vera med på å skapa eit godt miljø for elevane og bidra til at dei får ein triveleg skulekvardag. Skulen er opptatt av karakterbygging og identitet. Dette passar godt inn i arbeidet med den nye læreplanen, som skal vera eit verdiløft for skulen: Skulen har eit dobbelt samfunnsoppdrag,- den skal både danna og utdanna. Hos oss blir laget rundt eleven  og det å jobba for at alle elevar finn sin plass i fellesskapet viktig. Vil du vera med på dette laget?

Vi som arbeider her, trivst i kvarandre sitt selskap og finn på kjekke ting saman, både i og utanfor arbeidstida. Kollegiet ved skulen er godt kvalifisert og har høg kompetanse. Det å delta i eit profesjonelt læringsfellesskap der ein utvekslar gode idear og tankar saman med dyktige folk, bidrar til både godt lærings- og arbeidsmiljø.

For oss er det viktig at alle skal ha ei god oppleving av skuletida si, og at dei tre åra hos oss skal bli til gode minne. Vi er ein Mot-skule, og vi nyttar MOT sitt grunnprogram "Robust 12-16".

Vanlege arbeidsoppgåver inkluderer:

• Leia gruppa med fagarbeidarar hos oss

Laga timeplanar, dagsplanar og få kvardagskabalen til å gå opp.

Vera bindeleddet mellom fagarbeidargruppa og leiinga på skulen.

Jobba saman med leiinga i saker som gjeld fagleg utvikling i gruppa du leiar.

• Støtte og rettleiing:

Gi støtte og rettleiing til kollegaene dine.

Vera ein trygg vaksenperson for enkeltborn og grupper.

• Sosial utvikling:

Leggja til rette for at born og unge opplever eit positivt fellesskap og lærer å samhandla med andre.

• Leik og læring:

Leggja til rette for læring gjennom ulike aktivitetar som drama, musikk, forming og friluftsliv.

• Dagleg stell og omsorg:

Hjelpa til med praktiske gjeremål som stell, påkledning og mat.

• Samarbeid med føresette og kollegaer:

Halda god kontakt med foreldre og samarbeida tett med andre tilsette for å sikra ungdommen sitt beste.

• Tilrettelegging for ungdom med særlege behov:

Tilpassa aktivitetar og tilnærmingar til unge med ulike behov og føresetningar.

• Dokumentasjon og evaluering:

Vurdera og dokumentera ungdommane si utvikling og framgang.

• UFO

Hjelpa til i skulefritidsordninga for ungdom.

• ITO

Ha ansvar for planlegging og oppfølging av noko individuell tilpassa opplæring med enkeltelevar.

Kvalifikasjonar:Må ha:

• Høgskuleutdanning innan helsefag, helst også noko utdanning innan miljøterapi
• Erfaring frå arbeid med elevar i skulen, helst ungdomsskule

Personlege eigenskapar:

Samarbeidsevner: Du samarbeider godt med kollegaene dine, deler kunnskap og bidrar aktivt i utforminga av kvardagen til ungdommane. Du er løysingsorientert, fleksibel og har stor arbeidskapasitet.

Trygg: Du er ein trygg vaksen som likar å jobba med ungdom, og du er omsorgsfull, påliteleg og robust.

Positivt elevsyn: Du leitar etter styrkane til ungdommane og fokuserer på det dei kan få til og byggjer vidare på dette. Du gjer nødvendige tilpassingar undervegs.

Kommunikasjonsevner: Du har gode evner til å byggja relasjonar med ungdom, føresette og kollegaer. I tillegg har du god evne til å løysa komplekse utfordringar og å jobba effektivt, strukturert og systematisk.

Stressmeistring: Du taklar ein til tider uføreseieleg kvardag og du trivst i eit travelt og lærerikt miljø, samstundes som du har tolmod når elevar treng tid til å tilpassa seg nye situasjonar og tileigna seg nye ferdigheiter..

Stillinga følgjer lærarane sitt arbeidsår og ein må pårekna noko kveldsarbeid som deltaking på ulike arrangement og møte.Anna:

• 100% vikariat – frå 01.08.2026 fram til 31.07.2027.

Vi tilbyr:

• Gode pensjons- og forsikringsordningar
• Motiverte og kunnskapsrike kollegaer
• Interessante utfordringar
• Høve til fagleg og personleg utvikling

Kontakt

Anne Hufthammer, rektor Sund ungdomsskule, tlf: 90984271

Øygarden kommune ønskjer eit arbeidsmiljø prega av mangfald, og at våre medarbeidarar i størst mogleg grad skal spegla mangfaldet i befolkninga. Vi oppmodar alle som er kvalifiserte til å søkja jobb hos oss uansett alder, funksjonsevne, kjønn, eller minoritetsbakgrunn. Som IA-verksemd ønskjer kommunen å leggja til rette for arbeidsforholda dersom du har behov for det.

Etter utløpet til søknadsfristen, vert det sett opp ei offentleg søkjarliste med namn, alder, stilling eller yrkestittel og bustads- eller arbeidskommune for kvar søkjar. Det kan gjerast unntak frå innsyn for opplysningar om ein søkjar dersom vedkomande sjølv ber om det. Opplysningar om ein søkjar, kan verta offentlege sjølv om søkjaren har bede om ikkje å vert ført opp på søkjarlista. Dersom oppmodinga ikkje vert teken til følgje, vert søkjaren varsla om dette. Ved vurderinga av om ei slik oppmoding skal takast til følgje, skal det leggjast vekt på om det knyter seg særleg offentleg interesse til stillinga.