Vår noverande einingsleiar skal begynne i ny stilling i kommunen, og vi er derfor ute etter  ein ny einingsleiar i eit vikariat i 100% stilling i 1 år frå 01.09.24.

Sande omsorgssenter er i utvikling og arbeider med å løyse morgondagens behov. Sande omsorgssenter har om lag 35 årsverk fordelt på 40 institusjonsplassar. Det er tett samarbeid med Sande heimeteneste.

Ein viktig del av arbeidet ditt vert å drifte og utvikle institusjonen, og sikre god samhandling på tvers. Vi er opptekne av å sikre og utvikle god fagkompetanse, og gje pasientane ein god stad å bu.

Vi er ute etter søkarar med høgare helsefagleg utdanning, og med kjennskap til drift av helseinstitusjonar. Du må ha leiarerfaring og vi ønsker og at du har leiarutdanning. Vi krev god munnleg og skriftleg framstillingsevne.

 

I Sunnfjord kommune er vi engasjert, inkluderande og nær. Derfor er det viktig at du er:

Ein engasjert leiar:

• oppteken av fagleg utvikling og tverrfagleg samarbeid
• lojal i høve politiske og administrative avgjersler
• forvaltar fellesskapets ressursar på ein berekraftig måte
• modig, prioriterer tydeleg, tek avgjerder og utnyttar handlingsrommet sitt

Ein inkluderande leiar:

• oppteken av brukarane
• ein god rollemodell med høg etisk standard
• tydeleg på å kommunisere forventningar, og gir tilbakemelding og ros

Ein nær leiar:

• ser den einskilde, motiverer, viser tillit og gjev ansvar
• er tilgjengeleg og til stades

 

Løn etter avtale og gode pensjons- og forsikringsordningar.

For nærare informasjon om stillinga, kontakt kommunalsjef Kirstin Bruland tlf. 416 15 102.

Du søker elektronisk.

 

Velkommen som søkar, vi ser fram til å høyre frå deg!