Har du lyst på ei spennande utfordring?

Sunnfjord kommune, sektor omsorg, skal etablere, utvikle og drifte ei heilt ny eining - eit Bemanningssenter. Vi søker etter ein einingsleiar til å gjere dette arbeidet.

Bemanningssenteret skal være ei eining som tilbyr kompetanse og arbeidskraft ved fråvær i einingane. I første omgang startar vi med einingane i omsorgssektoren. Eininga skal ha kompetanse på lov og avtaleverk knytt til turnus/arbeidsplanar, og ha gode kunnskapar på vårt ressursprogram (RS).

Du vil verte  ein del av ei drivande kjekk og kunnskapsrik leiargruppe.

Arbeidsoppgåver:

• ansvar for tenestekvalitet, økonomi, personale, og helse, miljø og tryggleik
• være med å leie og utvikle avdelinga og medarbeidarar i tråd med Sunnfjord kommune sine målsettingar og retningslinjer
• sikre gode og kostnadseffektive tenester og ressursutnytting innan tildelte økonomiske rammer
• sikre rett kompetanse i eininga
• sjå ressursar og behov på tvers av einingane i omsorg
• utvikling og forbetring av rutinar i samarbeid med einingane i omsorg
• systemansvarleg/superbrukar for ressursprogrammet RS
• rettleiing i lov og avtaleverk, knytt til turnusplanarbeid
• andre oppgåver kan komme til

Det kan bli aktuelt etter kvart å bygge ut eininga slik at den og tilbyr kompetanse og arbeidskraft til både skule- og barnehagesektoren.

Vi vil ha deg som har:

• relevant høgare utdanning innan området leiing og administrasjon eller liknande 
• leiarerfaring
• god økonomiforståing og erfaring
• gode norsk kunnskapar, både munnleg og skriftleg
• IT kompetanse

Relevant leiarerfaring kan kompensere for manglande leiarutdanning.

Og har desse personlege eigenskapane:

• gode samarbeids- og kommunikasjonsevner
• fleksibel, kreativ, nytenkjande og løysingsorientert
• evne til å skape samhald og eit godt arbeidsmiljø
• stor arbeidskapasitet og gjennomføringsevne

Kva tilbyr vi:

• gode utviklingsmoglegheiter
• engasjert leiargruppe
• god samhandling
• tillit, mykje ansvar og nødvendig myndigheit
• god og tilstadeverande leiing
• ein arbeidsplass du kan vere stolt av
• leiaravtale som tydeleggjer forventningar til stillinga
• gode løns-, pensjons- og forsikringsordningar

Om arbeidsplassen:

Sunnfjord kommune har etablert omsorgstenester i sentrumsområda, Førde, Naustdal, Sande og Skei. Tenesteområda er institusjon, heimetenester, bu- og miljøteneste og butiltak psykisk helse. Vi har spesialiserte tenester innan rehabilitering og korttidseining.
Som tilsett i Sunnfjord kommune identifiserar du deg med våre verdiar; engasjert, inkluderande og nær.

Verkar dette interessant? Ta kontakt for ein uforpliktande samtale med kommunalsjef omsorg Kirstin Bruland. Telefonnr. 57 72 20 00

Du må søke elektronisk

 

Velkommen som søkar!