Øygarden kommune – fyrtårnet i vest – søkjer leiar for Eigedom

Om du har leiarerfaring og trivst i eit miljø med høge forventningar, spennande arbeidsoppgåver og i eit samfunn i stor utvikling, er kanskje dette stillinga for deg.

Du vil få ansvaret for eigedomseininga som forvaltar og driftar om lag 200.000 m² fordelt på 90 kommunale eigedommar og 220 km kommunal veg, bruar og kaiar, parkar og grøntområde i Øygarden kommune. I tillegg har Eigedom ansvar for kontraktsadministrasjon av alle innleige bygg og avtalar av ulike art knytt til kommunal eigedom.

Våre verdiar:

Stolt - På lag - Modig - Med glød

 

Om arbeidsgjevar:

Sjå film om Øygarden: Øygarden – eit fyrtårn i vest (Norsk tekst) - YouTube

Eigedom er organisert under kommunalsjefområdet Kultur og samfunn og består av 3 avdelingar- Forvaltning og planlegging, Eigedomsdrift og Veg og park, med om lag 55 tilsette. Einingsleiar har personalansvar for avdelingsleiarane. 

Vi har kontor på Straume, 15 min frå Bergen sentrum.

Som leiar for Eigedom vil du ha det overordna ansvar for forvaltning og utvikling av Øygarden kommune sine bygg, vegar og parkanlegg. Leiar er ein del av leiargruppa til kommunalsjef for Kultur og samfunn.

Vi ser etter ein trygg og tydleg leiar som kan vera ein pådrivar for samordning og utvikling av tenesteområdet.

 

Arbeidsoppgåver:

• Leie og utvikle eigedomseininga
• Overordna ansvar for drift og vedlikehald av eigedomsportefølja
• Fag, budsjett- og personalansvar for Eigedom
• Leiaroppfølging og utvikling av avdelingsleiarar i eininga
• Sikre fagleg kvalitet og at eininga følgjer relevante lover, forskrifter og krav
• Overordna ansvar for at anskaffingar i eininga
• Overordna ansvar for at eininga følgjer føresegn i byggherreforskrifta
• Ansvar for oppbygginga av kvalitetssystemet Compilo for eininga, herunder utvikling av rutinar og prosedyrar.
• Utarbeide og fremje politiske saker til råd, utval, formannskap og kommunestyret
• Delta i regionale og lokale nettverk der det er aktuelt
• Medverka til organisasjonsbygging, fag- og kompetanseutvikling
• Initiere og delta i skapande samarbeid og god dialog med interne og eksterne samarbeidspartar
• Vere pådrivar for gode rutinar og systemretta arbeid og effektiv tenesteyting ved bruk av teknologi og digitalisering

 

Kvalifikasjonar:

• Relevant høgare utdanning, fortrinnsvis BSc. Ingeniør eller MCs. Sivilingeniør
• God kjennskap til eigedomsforvaltning
• Kjennskap til offentleg forvaltning og forståing for politiske prosessar
• Erfaring med kontraktsadministrasjon
• Erfaring med prosjektleiing
• Erfaring med offentlege anskaffingar
• God økonomiforståing
• God skriftleg og munnleg framstillingsevne på norsk

 

Personlege eigenskapar:

• Gode kommunikasjon- og samarbeid eigenskapar
• Utviklingsorientert og evne til å tenke heilskapleg
• Systematisk, evne til å prioritere og sikre gjennomføring
• Løysingsorientert og evne til å sjå nye tilnærmingsmåtar
• Uttrykke tydelege forventningar, gje støtte, utvikle og inspirere medarbeidarar
• Ha fokus på brukarar og service
• Fleksibel, kreativ og løysingsorientert
• Initiativrik og sjølvstendig

 

Vi tilbyr:

• Gode pensjons- og forsikringsordningar
• IA verksemd
• Motiverte og kunnskapsrike kollegaer
• Interessante utfordringar
• Høve til fagleg og personleg utvikling

 

Kontakt:

Silje Haukedal, kommunalsjef kultur og samfunn, 93625320

 

Øygarden kommune ønskjer eit arbeidsmiljø prega av mangfald, og at våre medarbeidarar i størst mogleg grad skal spegla mangfaldet i befolkninga. Vi oppmodar alle som er kvalifiserte til å søkja jobb hos oss uansett alder, funksjonsevne, kjønn, eller minoritetsbakgrunn. Som IA- verksemd ønskjer kommunen å leggja til rette for arbeidsforholda dersom du har behov for det.

Etter utløpet til søknadsfristen, vert det sett opp ei offentleg søkjarliste med namn, alder, stilling eller yrkestittel og bustads- eller arbeidskommune for kvar søkjar. Det kan gjerast unntak frå innsyn for opplysningar om ein søkjar dersom vedkomande sjølv ber om det. Opplysningar om ein søkjar, kan verta offentlege sjølv om søkjaren har bedeom ikkje å vert ført opp på søkjarlista. Dersom oppmodinga ikkje vert teken til følgje, vert søkaren varsla om dette. Ved vurderinga av om ei slik oppmoding skal takast til følgje, skal det leggjast vekt på om det knyter seg særleg offentleg interesse til stillinga.