Byggforvaltning er organisatorisk plassert under kommunalsjef for samfunnsutvikling og er ei sentral eining i kommunen sitt arbeid med å utvikle og forvalte eigedomsmassen. Eininga omfattar to avdelingar og har hovudansvar for forvaltning, drift og vedlikehald av kommunale bygg, tekniske anlegg, uteområde og grøntareal. Dette inneber både å ivareta dagleg drift og vedlikehald, og å planleggje langsiktig utvikling og fornying av eigedomane slik at dei møter framtidige behov.

Stillinga er plassert i byggdrift og rapporterer til avdelingsleiar for Byggforvaltning. Du vil inngå i eit kompetent og tverrfagleg arbeidsmiljø med vekt på samarbeid og kunnskapsdeling.

Byggforvaltning har ei viktig rolle i å sikre at kommunen sine bygg og anlegg er funksjonelle, trygge og tilgjengelege for innbyggjarane. Dette omfattar alt frå skular, barnehagar og helsebygg til kultur- og idrettsanlegg, samt uteområde og parkar som er viktige for trivsel, helse og berekraftig by- og tettstadsutvikling.

Arbeidsoppgåvene i stillinga vil væra varierte og dekkje heile verksemdsområdet innan eigedom, bygg, anlegg og park.

Arbeidsoppgåver:

• Drift, tilsyn og vedlikehald av kommunale bygg
• Tilstandsvurdering og systematisk oppfølging av avvik
• Oppfølging av internkontroll og HMS-krav
• Registrering og behandling av avvik i kommunen sitt FDV-system
• Koordinering og oppfølging av eksterne leverandørar
• Dialog og samarbeid med brukarar av bygga
• Sesongbasert utvendig drift

Må ha:

• Fagbrev som byggdriftar eller anna relevant teknisk fagbrev, til dømes røyrleggjar, elektrikar, automatikar eller tømrar
• Førarkort klasse B
• Sterke munnlege og skriftlege ferdigheiter i norsk, med fokus på tydeleg og profesjonell kommunikasjon.

Ønskjeleg med:

• Førarkort klasse BE
• Kjennskap til og erfaring med internkontrollforskrifta
• Gode datakunnskapar og erfaring med bruk av FDV-, adgangskontroll- og SD-system
• God teknisk forståing og innsikt i bygningsmessige forhold
• Vilje og motivasjon til fagleg vidareutvikling

• Arbeidskvardagen kan være uforutsigbar, og det er derfor viktig at du både likar struktur, samt har evne til å omstille og prioritere når planar endrar seg.
• Du evnar å sjå moglegheiter i utfordringar og feil som oppstår.
• Du møter brukarar og kollegaer med ein positiv og hjelpsam haldning.
• Du bidrar til å løfte kollegaer ved å dele kompetansen din når du har løysinga, og er samstundes audmjuk og open for å lære når andre sit med svaret.
• Evne til å kunne arbeide sjølvstendig
• Systematisk, evne til å prioritere og sikre gjennomføring

• Dei formelle krava til utdanning og erfaring må dokumenterast med vitnemål og attestar. Dokumentasjonen skal lastast opp i søkjarportalen innan søknadsfrist.
• Godkjent politiattest må visast fram før tilsetjing

• Gode pensjons- og forsikringsordningar
• IA bedrift
• Motiverte og kunnskapsrike kollegaer
• Interessante utfordringar
• Høve til fagleg og personleg utvikling