Øygarden brann og redning KF (ØBR) er eit kommunalt føretak. Føretaket har eiga styre som rapporterer direkte til kommunestyret. ØBR er inndelt i ei administrasjonsavdeling, beredskapsavdeling og førebyggjande avdeling. Hovudbrannstasjonen ligg på Ågotnes. Her held også førebyggjande avdeling til. Føretaket har om lag 70 heil- og deltidstilsette.

Øygarden brann og redning KF (ØBR) har ledig 4 stillingar som brannkonstabel. Dei ledige stillingane skal innplasserast i fast vaktberedskap med 2 i kvar av stasjonane, Dalsneset brannstasjon på Blomøy/naturgassparken, og Ågotnes brannstasjon ved CCB-base.

Dalsneset og Ågotnes brannstasjonar har mannskap i deltidsstillingar (heimevakt) og har kvar ca. 115 oppdrag pr. år

 

Om avdelinga:

ØBR si beredskapsavdeling har til saman 60 personar som ivaretek brann og redningsberedskapen i Øygarden kommune. Mannskapa er fordelt på 3 brannstasjonar. Avdelinga har 3 heiltidsstillingar. Beredskapen er ivareteken med deltidsmannskap heimevaktordning. 

Arbeidsoppgåver:

• Brannkonstabel/Røykdykkar/sjåfør – skal delta i ØBR sin beredskap mot brann, ulykker og anna som brann og redningsvesenet vert kalla ut for å handtere
• Dei tilsette må vere i stand til å utføre røykdykking, vere sjåfør på køyretøy og båtar vi disponerer
• Brannkonstabel må være aktiv i eigen kompetansebygging. Dersom den som vert tilsett ikkje har den formalkompetanse det er krav om for å inneha stillinga, pliktar vedkomande å delta på den opplæringa som er naudsynt

Kvalifikasjonar: 

Søkjar må:

• Ha god helse og vandel ihht krav i "røykdykkerveiledningen". Legeattest som stadfestar dette og bestått fysisk test er vilkår før tilsetting
• Inneha bilsertifikat kl.C, eller for eigen kostnad tilegne seg dette innafor prøvetid på 6 mnd.
• Kunne delta i opptil heil vekevakt i 4-delt turnus
• I vaktperiode kunne stille på brannstasjonen innen 5 minutt etter alarm

 Ønskjeleg med:

• Kompetanse i tråd med «Forskrift om organisering og dimensjonering av brannvesen»  § 7-3 eller påbegynt utdanning ihht denne
• Kode 160 (utrykkingskjørekompetanse)
• Erfaring med yrkesbåt/maritimt virke
• Fagbrev eller teknisk utdannelse
• Anna beredskapsrelatert utdanning
  

Personlege eigenskapar:

• Samfunnsengasjert og beredskapsorientert
• Evne og vilje til å yte sitt beste under stress og evne til å jobbe i team
• God trenings og øvingsmentalitet i forhold til oppgavene som kan komme

Anna: 

• Vi har vaktordning i normalt 4-delt vakt
• Stillingane rapporterer til seksjonsleiar beredskap deltidsstyrke
• Stillingane er knytta til faste vaktlag og vaktordning i 4-delt turnus basert på heimevakt
• Vaktlengde vert fastsett individuelt etter avtale og innafor gjeldande vaktturnus

 Vi tilbyr:

• Gode pensjons- og forsikringsordningar
• IA-bedrift
• Motiverte og kunnskapsrike kollegaer
• Interessante utfordringar
• Høve til fagleg og personleg utvikling
• Lønn som brannkonstabel/fagarbeidar for tida frå kr 371.200,- til 446.000,- avhengig av lønsansiennitet

 

 

Øygarden kommune ønskjer eit arbeidsmiljø prega av mangfald, og at våre medarbeidarar i størst mogleg grad skal spegla mangfaldet i befolkninga. Vi oppmodar alle som er kvalifiserte til å søkja jobb hos oss uansett alder, funksjonsevne, kjønn, eller minoritetsbakgrunn. Som IA-verksemd ønskjer kommunen å leggja til rette for arbeidsforholda dersom du har behov for det.