Frå 01.08.2025 – 31.07.2026 er det ledig vikariat som barnehagestyrar i Nybø barnehage i 100% stilling. 

I barnehageåret 2025/26 eig og driv Sogndal kommune 10 barnehagar, i tillegg er det 4 private barnehagar i kommunen. Barnehagane i Sogndal har eit tett, godt og lærerikt samarbeid.  

Me søker med dette etter ein fagleg og engasjert styrar i vikariat som er relasjonssterk og inkluderande til å leie ein velfungerande barnehage frå 01.08.2025-31.07.2026. 

Nybø barnehage har inneverande barnehageår 49 barn fordelt på 3 avdelingar. Nybø barnehage har to aldersblanda einingar i Fylkesmannsgarden og ei småbarnseining i Sorenskrivargarden. Begge bygga er flotte bygg frå midten av 1800-talet, med sjel og eit koseleg miljø 

Barnehagen har 15 tilsette med høg kompetanse, og god miks i alder av tilsette. Leiinga består av styrar og assisterande styrar 

Barnehagen ligg fint til i solrike omgjevnadar ved Sognefjorden. Nærleik til flott natur med skog og mark, sentrum, idrettshall og andre funksjonar. 

Det er gode bussamband mellom Sogndal sentrum og Leikanger.  

Leikanger er administrasjonssenter i Sogndal kommune. Vestland fylkeskommune, Statens Vegvesen, Digitaliseringsdirektoratet, NAV og Statsforvaltaren i Vestland har avdelingar på Leikanger  

Arbeidsoppgåver: 

• dagleg fag- og driftsansvar for barnehagen  

• personalansvar med fokus på nærvær og arbeidsmiljø  

• vere ein synleg leiar med god gjennomføringsevne 

• pedagogisk utviklingsarbeid gjennom profesjonsfellesskap og samarbeid   

• samspel med barn, føresette og nærmiljø   

• barna sitt leike - og barnehagemiljø   

• budsjett-, personalansvar og oppfølging av dei tilsette.   

Kvalifikasjonskrav: 

• utdanna barnehagelærar   

• ynskjeleg med tilleggsutdanning/leiarutdanning for styrarar 

• erfaring frå arbeid i barnehage  

• ynskjeleg med leiarerfaring frå barnehage som styrar eller assisterande styrar 

• rettleiingskompetanse 

• kompetanse i bruk av digitale verktøy  

• eit framtidsretta syn på læring og pedagogikk med evna til å sjå teori og praksis i samanheng  

• god munnleg og skriftleg framstillingsevne  

Personlege eigenskapar: 

• god omsorgsevne og relasjonelt mot  

• evne å begeistre andre og samtidig la seg engasjere av innspela til andre  

• evne å leie prosessar  

• strukturert, planmessig og god til å prioritere  

• gode kommunikasjons- og samarbeidsevner  

• lojal til avgjerder og overordna føringar  

Me tilbyr: 

• eit pedagogisk miljø med høgt fagleg nivå  

• engasjerte og støttande kollegaer  

• leiarstøtte og opplæring i Sogndal kommune sine program og IT-verktøy 

• gode pensjons- og forsikringsvilkår 

Politiattest krevst for stillinga

Bli med på leikelaget vårt i Sogndalsbarnehagen som vikarierande styrar og vidareutviklar av Nybø barnehage