Barnehagelærar i Sundre barnehage

Visjonen til Sundre barnehage er: Leik, lær og le – le, lær og leik!

Tilsette som støttar og er saman med barna i leik og aktivitet gjennom dagen gjer at barna trives, lærer og utviklar seg. Denne støtta er ein del av ei heilskapeleg tilnærming til læring. Me har eit stort og variert uteområde, med eigen leirplass, potetåker og små grønnsakskasser. Barnehagens nærmaste nabo er Ål skulepark som er eit tilrettelagt park- og aktivitetsområde med bl.a. hinderløype, klatrestativ og plass for ballaktivitet. Me har gangavstand til Ål kulturhus med bibilotek og Ål Idrettspark på Bråta.

Sundre barnehage heldt til på Prestegardsjordet i Ål sentrum og har seks avdelingar fordelt på to hus, Hallingstugu og Låven, tre avdelingar på kvart hus. Stugu og Bråtet er for barn 4-5 år, Kleven og Lue er for barn 2-4 år, Kammerset og Skålen er for barn 0-2. Les meir om barnehagen på Ål kommune sine heimeside, www.aal.kommune.no.

Me søker:

Det er ledig fast 60 % stilling som barnehagelærar i Sundre barnehage.                                                                                                                               

Som barnehagelærar blir du med i pedagog-teamet vårt, og du blir tillagt oppgåver med gjennomføring av det pedagogiske arbeidet på di avdeling (dei eldste barna), samt ansvar for foreldrekontakt (samtalar m.m.) med deler av foreldregruppa knytt til avdelinga. Me ynskjer så raskt som råd og innan 1. desember 2022.

 

Kvalifikasjonar:

Krav om utdanning som barnehagelærar eller anna relevant godkjent utdanning.

Personlege eigenskapar:

Det vert lagt vekt på personlege eigenskapar. Me ynskjer søkjarar som:

• brenn for barnehageyrket og barnas beste
• har gode samarbeids- og kommunikasjonsevner
• likar å vere ute i all slags vêr, året rundt
• er løysningsorientert, fleksibel og lojal
• er ein leikande vaksen
• som har evne til å skape engasjement og styrke barnas utvikling
• kan uttrykke deg godt på norsk, både skriftleg (nynorsk) og munnleg
• likar å bruke song, dans og musikk i arbeidet med barna

 

Me tilbyr:

• ein barnehage med eit sterkt fagleg miljø
• engasjerte tilsette, ei stabil personalgruppe
• kompetanseheving felles for barnehagane i Ål kommune
• Pensjonsordning KLP

 

Lønsvilkår:

Lønn etter gjeldande tariffavtale. Arbeidsforholdet er regulert av Hovudtariffavtala.

 

Politiattest:

Den som vert tilsett må legge fram politiattest som ikkje er eldre enn tre månader. Den skal ikkje leggast med som vedlegg til søknaden, men skal sendast inn dersom det vert gjeve tilbod om stilling. Politiattesten vert makulert etter at den er nytta i samband med tilsettinga.

 

Send søknad:

Bruk elektronisk søknad. Klikk " Søk stilling" og fyll ut den elektroniske søknaden på heimesida til Ål kommune.

Informasjon etterkvart i tilsettingsprosessen vert sendt på e-postadressa du loggar deg på med.               

Aktuelle søkjarar vert kalla inn til intervju. Til intervjuet må du ta med attesterte kopiar av vitnemål og eventuelt tenesteattestar dersom desse ikkje er lagt inn i den elektroniske søknaden.

Søkjarar som ynsker å vere unnateke offentlegheit må grunngje dette særskilt. I samsvar med Offentleglova § 25 kan opplysningar om søkjarar bli offentleggjort sjølv om søkjaren har bede om ikkje å bli ført opp på søkjarlista, men dette vil du i så fall få varsel om.

Ta gjerne kontakt med oss dersom du har spørsmål til stillinga.

Velkomen som søkjar!