Vi har ledig 100% fast stilling som barne- og ungdomsarbeidar i Flekke skule og barnehage frå august 2023.

Flekke skule og barnehage er samlokalisert, med ca 45 skuleelevar, om lag 30 barn i barnehagen. I utgangspunktet er denne stillinga kopla til barnehagen, men barnehagen og skulen samarbeider tett, så du kan òg få oppgåver inn mot SFO/skule.

Vi ligg naturskjønt til nær sjøen, med kort veg til turområde i bygda, difor er vi mykje utandørs heile året, og uteområdet vårt har både tilrettelagde og naturlege utfordringar.

Kvalifikasjonar

• Fagbrev innan barne- og ungdomsarbeidarfaget.
• Meistre norsk skriftleg og munnleg
• Personleg egna til stillinga
• Den som vert tilsett må legge fram godkjend politi- og tuberkulinattest før tiltreding

Personlege eigenskapar

• Har godt samspel med barn og vaksne
• Kan arbeide sjølvstendig og har gode samarbeidsevner
• Evner å arbeide løysingsorientert i eit travelt miljø og samtidig ha eit godt humør

Vi tilbyr

• Introduksjonsprogram for nytilsette
• Givande leik med flotte barn kvar dag
• Ein variert og kjekk kvardag
• Løn etter sentralt lønns- og stillingsregulativ
• Innmelding i pensjonsordning
• Godt arbeidsmiljø med trivelege kollegaer

Kommunen er oppteken av at ein skal ha balanse mellom kjønna i eit kollegium, og menn vert føretrekt under elles like føresetnader.

Vi gjer merksam på at søkjarliste med namn, kjønn, alder og noverande stilling i utgangspunktet er offentleg. Dersom det ikkje er særlege grunnar for å unnta offentleggjering, vil søkjaren bli kontakta og få høve til å trekke søknaden sin før søkjarliste blir gjort offentleg.