Sundre barnehage har 6 avdelingar, totalt 108 plassar og ca 34 årsverk. Sundre barnehage har assisterande styrar i 100% stilling.

I Sundre barnehage

• Skal vi sjå på alle menneske som like verdifulle og møte kvarandre med varme, interesse og respekt. Dette gjeld i alle møter mellom barn-barn, barn-vaksen, vaksen-vaksen.
• Skal gode møter mellom menneske hjelpe barna til å utvikle evna til å balansere individuelle behov opp mot gruppa sine behov.
• Ser vi på leik som barnas viktigaste aktivitet, der mykje av barnas læringsprosessar skjer. Dei tilsette skal vere aktivt deltakande i leiken til barna.
• Ynskjer vi ein kvardag der positivitet og glede står i fokus.

Les meir om barnehagen, oppvekstsektoren og Ål kommune på kommunen sine heimesider;  www.aal.kommune.no/

Styrar er fagleg og administrativ leiar for barnehagen og rapporterer direkte til kommunalsjef for oppvekst. Assisterande styrar rapporterer til styrar.

Arbeidsoppgåver

• Arbeide tett med styrar i kvardagen og bidrar aktivt i leiargruppa og personalgruppa til å vidareutvikle barnehagen og det pedagogiske arbeidet.
• Bidra til å vidareutvikle tverrfagleg samarbeid med interne og eksterne aktørar i kommunen.
• Ansvar for å følgje opp administrativ oppgåver knytt til brannvern, miljøretta helsevern og helse, miljø og tryggleik barnehagen.
• Ansvar for bemanningsplanar og oppfølging kortidsfråver.
• Andre arbeidsoppgåver delegert frå styrar.

Kvalifikasjonar

• Pedagogisk utdanning på høgskule-/universitetsnivå.
• Gjerne vidareutdanning innan administrasjon eller styrarutdanning.
• Leiarerfaring.
• Digital kompetanse.

Personlege eigenskapar

Det blir lagt stor vekt på personlege eigenskapar. Vi søkjer etter deg som

• Brenn for barnehageyrket og barnas beste.
• Er innovativ, har evne til planlegging og gjennomføring, både på kort og lang sikt.
• Er oppdatert innanfor barnehagefeltet.
• Er resultat- og løysingsorientert.
• Har god økonomisk forståing.
• Har evne til å arbeide strukturert og sjølvstendig.
• Har erfaring med og evne til leiing i utviklingsarbeid.
• Er ein tydeleg, trygg og synleg leiar som har evne til å engasjere, motivere, inkludere og inspirere til felles innsats.
• Er raus, fleksibel, har godt humør og trivst med ein travel kvardag med varierte oppgåver.
• Har evne og vilje til kommunikasjon og samarbeid med barn, tilsette, føresette og andre samarbeidspartar.
• Har god formidlingsevne muntleg og skriftleg.

Ål kommune nyttar nynorsk som målform.

Vi tilbyr

• Ein framtidsretta, variert og utfordrande jobb.
• Eit solid og sterkt fagmiljø med gode vilkår for fagleg utvikling.
• Fokus på natur, friluftsliv og kultur.
• Eit triveleg arbeidsmiljø med dyktige og erfarne medarbeidarar.
• Eit godt etablert tverrfagleg samarbeid.
• Eit godt samarbeid mellom barnehagane i kommunen.
• Leiarstøtte, stor tillit, ansvar og nødvendig mynde.
• Moglegheit for vidareutdanning og leiarutvikling.
• God pensjonsordning i KLP.
• Lønn etter gjeldande tariffavtale.
• Arbeidsforholdet er regulert av Hovudtariffavtala.

Søknad og politiattest

• Vitnemål og attestar legg du inn saman med søknaden.
• Den som vert tilsett må legge fram politiattest ikkje eldre enn tre månader.
• Kommunen følgjer offentleglova § 25 ved eventuell offentleggjering av søkjarlista.

Ta gjerne kontakt med oss om du har spørsmål til stillinga!

Velkomen som søkjar!