Areal- og byggesak har ansvar for kommunen sin arealplanlegging, plan- og byggesakshandsaming, byggetilsyn, kartforvaltning og måle- og deletenester. Eininga kan tilby interessante og utfordrande oppgåver i arbeidet med kommunen sin arealmessige og arkitektoniske utvikling. Våre 19 medarbeidarar arbeider i eit spanande, fleksibelt og tverrfaglig miljø i moderne lokalar sentralt i byen Førde.

Areal- og byggesak ønsker mangfald og ein jamn fordeling mellom kvinner og menn på arbeidsplassen. Vi oppmodar difor alle kvalifiserte kandidatar til å søke jobb hos oss uansett alder, kjønn, seksuell orientering, funksjonshemming, nasjonalitet eller etnisk bakgrunn. 

Vi søker no etter:

• arealplanleggar i 100 % fast stilling

Arbeidsoppgåver:

• sakshandsame reguleringsplanar, endring av reguleringsplanar og dispensasjonar etter plandelen i plan- og bygningslova
• informere og rettleie innbyggarar i kommunen og profesjonelle aktørar/utbyggarar
• handsame klagesaker
• delta i arbeid med overordna planlegging

Kvalifikasjonar:

• Du må ha utdanning på universitets – eller høgskulenivå innan arealplanlegging og/eller arkitektur
• Du må ha kunnskap om Plan- og bygningslova, samt planprosess og prosjektleiing
• Relevant praksis kan vege opp for manglande formell utdanning
• Det vert lagt vekt på god kommunikasjonsevne og gode evner til samarbeid
• God norsk munnleg og skriftleg framstillingsevne

Det er ein fordel om du har:

• erfaring frå fagområdet, men nyutdanna vert også vurdert
• erfaring innan GIS
• kjennskap til, og interesse for arkitekturfaglege tema som byutvikling, arkitektur og bukvalitet
• erfaring frå prosjektbasert arbeid

Vi søker deg som:

• er serviceinnstilt og løysingsorientert
• har evne til å arbeide godt både sjølvstendig og i gruppe med andre
• taklar høgt tempo og komplekse oppgåver
• er initiativrik, strukturert, målbevisst
• har heilskapsforståing

Vi tilbyr:

• lyse moderne kontorlokale sentralt i Førde
• gode pensjons- og forsikringsordningar
• godt sosialt arbeidsmiljø med trivelege og engasjerte kollegaer

Eininga vår er ein god stad å jobbe. Vi er ein kreativ og effektiv organisasjon, og vi set pris på godt humør, arbeidsglede og omsorg for kvarandre. Du vil ha kontorplass i nye og funksjonelle lokalar for tida i Førde sentrum (Sunnfjord rådhus). Hos oss får du ryddige arbeidstilhøve. Sjølv om arbeidsmengda kan vere stor, legg vi vekt på å vere føreseieleg og gje rom for avspasering og lønskompensasjon.

Du søker elektronisk. Vi ser fram til å høyre frå deg!