Ålvik fysioterapi har institutt i Sjukestova i Ålvik og er samlokalisert med utekontoret for legetenesta med lege og sjukepleiar. Instituttet har god pasienttilgang innan eit breitt felt, men med vekt på vaksne/eldre. Gode arbeidsplassforhold og treningssal med MTT. Instituttet har ledig fast heimel i samband med at noverande heimelshavar vert pensjonist. 

Tenestetilbodet innan ergo- og fysioterapitenesta er regulert i lov og forskrift. Kvam herad sin helse- og omsorgsplan gjev retning for tenestene. Ved tildeling av driftsheimel gjeld ASA 4313 mellom KS og NFF.

 

Arbeidsoppgåver

I helse- og omsorgsplanen er det eit overordna mål å skapa framtidsretta, fagleg forsvarlege og likeverdige tenester som sikrar befolkninga eit profesjonelt, tilgjengeleg og effektivt tenestetilbod. Helse- og omsorgstenesta i Kvam skal leggja til rette for at kvar enkelt kan ta ansvar for eiga helse gjennom fysisk aktivitet, sosialt fellesskap og tilrettelegging av eigen livssituasjon. Kvam herad skal nytta «moglegheitsrommet» som ligg i å dreia tenestene mot førebygging og meistring av eige liv. Som fysioterapeut hos oss vil du få ansvar for: 

• å tilby og yta ei god fysioterapiteneste basert på kunnskapsbasert praksis i høve alder, diagnose og funksjonsnivå
• oppfølging av pasientar på arenaer som er nødvendig for god og heilskapleg behandling
• å utøva fysioterapi på ein måte som fremjar aktiv behandling, samt gode og heilskaplege pasientforløp

Dagens heimelshavar har i tillegg til driftsavtalen faste kommunale timar for å kunna vurdera behov for hjelpemidlar, søkja og gje opplæring i bruk av hjelpemidlar, hjelpa med å tilretteleggja eigen heim og rettleia pårørande, lavterskel gruppetrening på Pensjonisten og ressursperson i forflytningsteknikk for pleie- og omsorg. Det er ynskjeleg at ny heimelshavar vidarefører denne avtalen. 

Kvalifikasjonar

I vurderinga av kven som vert tildelt heimelen vert det lagt vekt på fagleg kompetanse, erfaring og personlege kvalifikasjonar som t.d. samarbeidsevne, evne til å driva sjølvstendig næringsdrift m.v., jf ASA 4313 pkt. 6.2. Me søkjer deg som har: 

• Norsk autorisasjon som fysioterapeut
• Variert erfaring som fysioterapeut
• Interesse for å utvikla framtidsretta behandlingstilbod i samsvar med vedtekne planar og framtidas utfordringar med vekt på tenester til eldre, dei med muskel- og skjelettlidingar, psykosomatiske lidingar eller innan opptrening/rehabilitering/habilitering
• Ønske om å medverka positivt til å løysa felles oppgåver og arbeida etter gjeldande prioriteringsnøkkel i ergo- og fysioterapitenesta
• Evne til å samarbeida med andre fagmiljø i kommunen og delta på fellesarrangement for ergo-og fysioterpitenesta
• Kan visa til døme der du har arbeidd kunnskapsbasert og synleggjort dette gjennom dagleg praksis
• Erfaring og interesse innan gruppetrening
• Genuin interesse for å arbeida tverrfagleg
• Gode norskkunnskapar munnleg og skriftleg

Alle som yter tenester etter Helse og omsorgslova skal levera politiattest. Den som vert tilsett må derfor legga fram politiattest av ny dato, denne skal ikkje leggast ved søknaden. Ved tilsetjing skal det leggast fram vitnemål og attestar.  

Personlege eigenskapar

Me ynskjer deg som:

• har eit breitt perspektiv og praksis frå fysioterapi til eldre
• har gode kommunikasjonsevner
• samarbeider på tvers av fagfelt
• deler og aukar kunnskapen din og som er open for endringar, er fleksibel og løysingsorientert
• er raus og inkluderande
• kan og vil driva eit institutt som solopraksis

Me tilbyr

• Eit sterkt, engasjert og kunnskapsrikt fagmiljø
• Felles fagmøte og samhandling med heile ergo-og fysioterapitenesta
• Moglegheit for å jobba tverrfagleg med dyktige samarbeidspartnarar
• Jobb i eit veldrive og godt etablert institutt med fokus på fagutvikling

Generell informasjon

Me gjer merksam på at etter offentleglova § 25 kan opplysningar om søkjaren bli offentlege sjølv om søkjaren har oppmoda om ikkje å bli ført opp på søkjarlista. Dersom oppmodinga ikkje vert teke til følgje, vert søkjaren varsla om dette.