Kvam herad har ledig 40 % stilling som sjukeheimslege.Me søkjer deg som er spesialist i allmennmedisin med interesse for sjukeheimsmedisin, eller er spesialist i geriatri. Legar i spesialisering (ALIS) er også velkomne til å søkja.

Kvam herad har to sjukeheimer. Øysteseheimen har 28 langtidsplassar. Toloheimen i Norheimsund har 16 langtidsplassar og 16 kortidsplassar hvorav ein plass er for øyeblikkelig hjelp opphald. Som sjukeheimslege vil du samarbeida med andre yrkesgrupper og leiing. Kommunen har også tilsett legespesialist i 100% stilling innan sjukeheimsmedisin med base på Toloheimen i Norheimsund.

Om kommunen vår:

Kvam herad har om lag 8500 innbyggjarar. Kommunen strekkjer seg langs vestsida av Hardangerfjorden. Det er godt kollektivtilbod til Bergen. Reisetid til Bergen sentrum er 1 time og 15 minutt. Her kan du lesa meir om korleis det er å flytta til Kvam: https://www.kvam.no/velkomen-til-kvam/dragning-til-kvam/

Kommunen har ei velfungerande helse- og omsorgsteneste, med institusjonar innan heildøgns omsorg og pleie fleire stader i kommunen. Kommunen har legesenter i Øystese og Norheimsund, og utekontor i Ålvik og Strandebarm. Kommunen satsar på heimetenestene, og i tråd med "Bu trygt heime"-reforma vil kommunen leggje til rette for at eldre skal bu heime lengst mogeleg.

 

Arbeidsoppgåver:

Arbeidsoppgåver er sjukeheimslegearbeid éin dag i veka (20%) og for tida er desse arbeidsoppgåvene ved Øysteseheimen. Total stillingsprosent er 40, då det er behov for fleksibilitet i samband med at sjukeheimslegen vikarierer for den andre sjukeheimslegen under ferieavvikling og korte fråvær. I tillegg må sjukeheimslegen vera tilgjengeleg for eventuelle telefonar frå sjukeheimen på dagtid man-fre.

Hovudarbeidsoppgåver:

• Medisinsk oppfølging av pasientar i sjukeheim (utgreiing, behandling og oppfølging)
• Pårørandesamtalar
• Rådgjeving og rettleiing av helsepersonell i tenesta
• Tverrfagleg samarbeid
• Samhandling med sjukehus, fastlegar og andre faggrupper på sjukeheimen
• Bidra i kvalitets- og utviklingsarbeid innan sjukeheimsmedisin
• Det er eit ønskje, men ikkje eit krav at sjukeheimslegen deltek i legevaktsordning

Kvalifikasjonar

• Norsk autorisasjon som lege
• Spesialisering innan allmennmedisin eller geriatri er ei føremon, men lege med gjennomført LIS1 kan også søkja
• Erfaring, interesse og kompetanse innan sjukeheimsmedisin
• God norsk muntleg og skriftleg fremstillingsevne
• Gyldig politiattest må leggjast fram ved tilsetjing, men skal ikkje leggjast ved søknaden

Personlege eigenskapar

• Målet vårt er best mogleg livskvalitet for bebuarane, og me ser etter ein lege som er fagleg trygg, stabil og strukturert, samtidig som du er fleksibel og tilpasningsdyktig i møte med skiftande behov. Digitale verktøy er ein integrert del av arbeidet, og me ønskjer ein lege som aktivt tek i bruk teknologi for å styrka pasientbehandling, dokumentasjon og samhandling.

Som sjukeheimslege hos oss vil du få arbeida med: 

• Diagnostikk, utredning og behandling av pasientar 
• Klinisk beslutningstaking med faglege utfordringar 
• Kartlegging av skrøpelegheit, samtykkekompetanse, symptomlindring og vurdering av behandlingsmål
• Oppfølging av pårørande med kommunikasjon og etisk refleksjon
• Samarbeid med fastlegar, spesialisthelsetenesta og kommunale tenester

Me tilbyr

• Mogleheit for å drøfta andre legeoppgåver i kombinasjon med stillinga som sjukeheimslege
• ALIS-avtale for legar i spesialisering i allmennmedisin, med veiledning og fri til nødvendige kurs og andre utdanningsaktiviteter
• Et sterkt fagleg og kollegialt nettverk med andre kommunale legar
• Eit godt fagmiljø med kompetente og engasjerte kolleger
• Faglege og personlege utfordringar i eit raust, kompetent og tverrfagleg arbeidsmiljø
• Ein svært meiningsfull jobb med varierte og spennande arbeidsdagar
• Lønn etter avtale
• Gode pensjons- og forsikringsordningar

 Generell informasjon:

Den kommunale organisasjonen skal i størst mogleg grad spegla mangfaldet i befolkinga. Målet er difor å oppnå ei balansert samansetjing når det gjeld alder, kjønn og kulturell bakgrunn. Kvam herad ønskjer å inkludera og leggja til rette for personar med nedsett funksjonsevne. I Kvam herad er det offisielle styringsmålet nynorsk. Alle tilsette i alle kommunale organ pliktar å nytta nynorsk skriftspråk i tenesta. 

Me gjer merksam på at etter offentleglova § 25 kan opplysningar om søkjaren bli offentlege sjølv om søkjaren har oppmoda om ikkje å bli ført opp på søkjarlista. Dersom oppmodinga ikkje vert teke til følgje, vert søkjaren varsla om dette.