Øygarden kommune er den nest største kommunen i Vestland fylke med omlag 39 850 innbyggjarar og 2 800 tilsette. Straume er kommunesenter (ca. 15 minutt køyring frå Bergen) med kommunedelsenter på Rong, Ågotnes og i Skogsskiftet.

Øygarden kommune har sett seg som mål å vera ein framtidsretta og kunnskapsbasert samfunnsutviklar med fortrinn innanfor energi, teknologi og marine ressursar. Kommunen skal løfta fram viktige verdiar som felles kultur, språk og identitet. Vi har ambisjonar om å vera ein handlekraftig og effektiv organisasjon med god leiing, høg kompetanse og kvalitet.

Om NAV Øygarden

NAV Øygarden er ein spanande og utviklande arbeidsplass og har omlag 80 høgt kvalifiserte og motiverte tilsette fordelt på fire avdelingar. Vi har ansvar for å yte gjeldsrådgjeving og tenester etter Folketrygdloven, arbeidsmarknadsloven, integreringsloven og lov om sosiale tenester i NAV.

Vårt hovudfokus er å gje menneskjer med behov for bistand moglegheit for arbeid og aktivitet gjennom eit godt samarbeid med næringslivet. Vi skal også hjelpa til med å gjera menneskjer sjølvhjelpen.

Vi har ledig tre ledige mellombelse stillingar som programrådgjevarar i avdeling for Integrering og jobbstøtte, arbeidslag Intro. Arbeidslaget består i dag av 5 tilsette programrådgivarar med ansvar for flyktningar i introduksjonsprogram. Varigheita på stillingane er sett til 30.06.25, med moglegheit for forlenging.

Vi søkjer etter deg som er opptatt av utvikling, rettleiing og som  å motivera menneske.

Arbeidsoppgåver:

• Kartlegging og oppfølging av nykomne flyktningar
• Koordinere programmet for den einskilde flyktning, og utarbeide individuell plan mot arbeid og utdanning.
• Arbeid etter Lov om integrering gjennom opplæring, utdanning og arbeid (integreringslova). Lovens formål er å styrke nykomne flyktningar sin mogelegheit for deltaking i yrkes- og samfunnsliv, og soleis sikre økonomisk sjølvstende.
• Sosialfagleg rettleiing
• Rettleiing innan økonomi, samfunn  og arbeid
• Tett samarbeid internt og med ulike instansar, mest med vaksenopplæringa og helse.
• Sakshandsaming og skrifteleg dokumentasjon etter gjeldande lovverk

Kvalifikasjonar:  Må ha:

• Minimum høgare utdanning frå høgskule eller universitet på bachelornivå  innan sosialfag, helsefag/ pedagogikk eller samfunnsfag

 Ønskjeleg med:

• Kjennskap til integreringslova og andre aktuelle lovverk
• God munnleg og skriftleg kommunikasjonsevne
• Kunnskap og erfaring frå arbeid med flyktningar
• Erfaring med arbeidsretta oppfølging
• God økonomisk forståing
• Ønske og interesse til å jobbe med flyktningar

 Personlege eigenskapar:

• Evne til å ta brukarperspektivet
• Evne til å jobbe sjølvstendig og i team
• Evne til å jobbe under press
• Evne til å jobbe strukturert og ryddig
• Evne til å bidra i utviklingsarbeid
• Bidra til eit positivt arbeidsmiljø

Anna:

• Erfaring og personlege eigenskapar vil bli vektlagt

Vi tilbyr:

• Gode pensjons- og forsikringsordningar
• IA verksemd
• Motiverte og kunnskapsrike kollegaer
• Interessante utfordringar
• Høve til fagleg og personleg utvikling
• Stillingane ligg til kode 8530 rådgjevar. Løn etter avtale.

Kontakt:

NAVleiar  Nina-Susanne Andersen tlf  97169980  mail: nina.andersen@nav.no

 Øygarden kommune ønskjer eit arbeidsmiljø prega av mangfald, og at våre medarbeidarar i størst mogleg grad skal spegla mangfaldet i befolkninga. Vi oppmodar alle som er kvalifiserte til å søkja jobb hos oss uansett alder, funksjonsevne, kjønn, eller minoritetsbakgrunn. Som IA-verksemd ønskjer kommunen å leggja til rette for arbeidsforholda dersom du har behov for det.

Etter utløpet til søknadsfristen, vert det sett opp ei offentleg søkjarliste med namn, alder, stilling eller yrkestittel og bustads- eller arbeidskommune for kvar søkjar. Det kan gjerast unntak frå innsyn for opplysningar om ein søkjar dersom vedkomande sjølv ber om det. Opplysningar om ein søkjar, kan verta offentlege sjølv om søkjaren har bedeom ikkje å vert ført opp på søkjarlista. Dersom oppmodinga ikkje vert teken til følgje, vert søkaren varsla om dette.Ved vurderinga av om ei slik oppmoding skal takast til følgje, skal det leggjast vekt på om det knyter seg særleg offentleg interesse til stillinga.