Sogn kulturskule søkjer etter nye medarbeidarar som har lyst til å bruka fagkunnskapen sin til å skapa magiske augneblink – både for små og store elevar, og for gode kollegaer i eit engasjert miljø. 

Me søkjer: 

• Musikkpedagog i inntil 100 % stilling – med hovudvekt på vokal folkemusikk 

Er du ein songar som brenn for folkemusikken og vil vidareføra tradisjonar samstundes som du inspirerer nye stemmer? Då kan dette vera jobben for deg. 

 
Me ser etter ein allsidig og engasjert lærar i vokal folkemusikk, gjerne med røter i eller kjennskap til den vokale tradisjonen her i Sogn.  
 
Du treng ikkje nødvendigvis ha mastergrad – det viktigaste for oss er at du kan faget ditt, har eit godt hjarte for elevane, og trivst med å samarbeida med andre. Men me ser gjerne at du har 4 års høgare musikkutdanning og pedagogikk i fagkrinsen. 

 
Kva kvardagen kan innehalda: 

• Undervisning i vokal folkemusikk for både born og ungdom 

• Arbeid med songgrupper for dei aller minste (2–3 år) 

• Moglegheit for å undervisa i eitt eller fleire biinstrument 

• Bidra i konserter og prosjekt i lokalmiljøet 

• Kanskje ein liten del av stillinga kan brukast til eiga utøvande verksemd? Det tek vi ein prat om. 

 
Me underviser på fleire stadar i både Luster og Sogndal, så det er ein fordel om du har førarkort og bil. 

• Inspektør og musikkpedagog i inntil 100 % stilling 

Er du strukturert og tydeleg, men samtidig kreativ? Då trur me du vil trivst i denne kombinasjonsstillinga der du får vera både lærar og ein del av leiinga. 

 
Her får du: 

• Om lag 40 % administrasjon og 60 % undervisning (kan tilpassast noko) 

• Ei sentral rolle i å drifta og vidareutvikla kulturskulen saman med eit engasjert team 

• Moglegheit til å påverka innhald og retning på undervisingstilbodet 

• Undervisa innan musikk (for tida er vår inspektør rytmisk pianist, men vi vurderer òg andre uttrykk) 

 
Me vil gjerne høyre frå deg med musikalsk bakgrunn. Me ser gjerne at du har 4 års høgare musikkutdanning og pedagogikk i fagkrinsen, men anna relevant erfaring kan og vere aktuelt. 

Kven er me? 

Sogn kulturskule er eit levande og mangfaldig miljø med lærarar, elevar og kunstnarar som brenn for skaparglede.  

Me har tilbod innan musikk, biletkunst og meir – og me har aktivitet både i Sogndal og Luster. Som arbeidsgjevar legg vi vekt på gode relasjonar, fagleg fridom og rom for utvikling. 

Du får gode kollegaer som er opptekne av å løfte elevane, og vi lovar at du får vera med på noko som betyr noko. 

 
Løn etter gjeldande tariff. 
 
Fast og desentralisert undervisning – du vil jobba ulike stadar i begge kommunane.