Har du lyst på ein aktiv og meiningsfull jobb i haustferien? 

Sogn friluftsråd skal arrangere friluftsskular måndag 6. til onsdag 8. oktober, og vi treng instruktørar til gjennomføringa. Friluftsskulane er eit tilbod for born i alderen 10–13 år, og blir arrangert i alle seks medlemskommunane våre. 

Som instruktør blir du del av eit team beståande av ein medinstruktør og to praksisstudentar. Du vil saman med med-instruktør ha praksisveilederansvar for studentane. 

Tilsetjing skjer snarast, og søkjarar med lokal kjennskap vil bli prioriterte. 

Kva kompetanse ser vi etter? 

• Erfaring og kompetanse innan friluftsliv 

• Gjerne spesialkompetanse innan klatring, padling, sykling, orientering eller andre uteaktivitetar 

• Kompetanse innan tryggleik og førstehjelp 

Kva ser vi etter hos deg? 

• Du er ein ansvarleg vaksen i møte med born 

• Du legg til rette for meistring og læring, og møter deltakarane på ein imøtekomande og engasjert måte 

• Du bidreg til eit godt arbeidsmiljø saman med medinstruktørar og studentar 

• Personlege eigenskapar blir vektlagt 
   

Vi tilbyr 

• Ein aktiv og givande jobb utandørs, der du får kombinere eigne interesser med å skape gode opplevingar for born 

• Samarbeid i eit engasjert team 

• Løn etter avtale 
   

Kvalifikasjonar 

• Glad i natur og friluftsliv 

• Erfaring frå arbeid med born og unge 

• Gyldig politiattest 

Ynskja kompetanse 

• Friluftsliv- eller lærarstudentar frå høgskule eller universitet 

• Førstehjelp- og/eller livredningskurs 

• Instruktørkurs i padling eller klatring 

• Lokal kjennskap til fleire av medlemskommunane 

• Erfaring med førstehjelp 
   

Om arbeidsgjevar   

Sogn friluftsråd er eit interkommunalt samarbeid mellom kommunane Vik, Sogndal, Aurland, Lærdal, Årdal og Luster. Samarbeidet er organisert som eit kommunalt oppgåvefellesskap.   

Friluftsrådet skal i samarbeid med deltakarkommunane, fylkeskommune, andre offentlege myndigheiter og organisasjonar, fremje allsidig og miljøvenleg friluftsliv i indre Sogn, til det beste for befolkninga si trivsel og helse. Friluftsrådet skal saman med kommunane arbeide for meir friluftsliv for alle, heile året. 

Me ønskjer eit arbeidsmiljø prega av mangfald, og at våre tilsette skal spegla folkesetnaden elles. Me oppfordrar alle som er kvalifisert til å søkja jobb hos oss uansett alder, funksjonsevne, kjønn eller minoritetsbakgrunn. Me legg vekt på å leggje til rette arbeidsforholda dersom du har behov for det.

Administrasjonsmålet i kommunen er nynorsk. Alle nytilsetjingar vert gjort med ei prøvetid på 6 månader. Me gjer merksam på at i følgje offentleglova § 25, 2. ledd kan opplysningar om søkjaren bli offentleggjort, sjølv om du har oppmoda om ikkje å bli ført på offentleg søkjarliste. Dersom du har bedt om unntak frå offentleg søkjarliste vil du alltid bli varsla før søkjarlista vert offentleggjort.

Søknadar må leverast innan fristen og må sendast inn via rekrutteringssystemet vårt EasyCruit. Tilsetting blir gjort fortløpande.