Vil du bidra i arbeidet med å utvikle eit nyskapande og berekraftig Vestland?
Seksjon Plan, klima og folkehelse, avdeling strategisk utvikling og digitalisering

Vi skal bidra i arbeidet med å utvikle eit nyskapande og berekraftig Vestland, ved å setje retning, samhandle og engasjere. Viktige arbeidsområde for oss er å vere ein pådrivar for endring, bidra til å samordne aktiviteten internt i fylkeskommunen, og å vere gode støttespelarar for kommunane og eksterne aktørar. Vestland legg klima og miljø som premiss for samfunnsutviklinga, og oppfølginga av den regionale klimaplanen er sentral i dette arbeidet.

Arbeidsoppgåver

• Vere støttespelar og rådgjevar for kommunane innan klimaomstilling
• Delta i arbeidet med oppfølging av "Regional plan for klimaomstilling"

Kvalifikasjonskrav

• Mastergrad innan klima- og miljøfag, arealplanlegging, samfunnsplanlegging, geografi eller samfunnsgeografi
• Du er nyutdanna (maks tre års erfaring etter endte studiar) med eit brennande ynskje om å bli trainee

Det er ein fordel med:

• Erfaring frå arbeid innan klimaomstilling på lokalt og/eller regionalt nivå
• Prosesskompetanse

Om deg

• Samfunnsengasjert
• Evne til å arbeide sjølvstendig
• Gode samarbeids- og kommunikasjonsevner
• God norsk skriftleg og munnleg framstillingsevne

Vi tilbyr

Du vil få varierte og meiningsfulle arbeidsoppgåver, og fagleg utvikling i eit kompetent og tverrfagleg fagmiljø. Vi er opptekne av vi skal trivast på jobb, og ha eit godt og uformelt arbeidsmiljø. Slik gjer vi kvarandre gode og skapar engasjement.

• Eigen mentor
• Fleksibel arbeidstid
• Utviklingsprogram gjennom Framtidsfylket sitt trainee-program
• Løn etter avtale
• Arbeidsvilkår, pensjon og forsikringar i samsvar med kommunal tariff

Som deltakar i traineeprogrammet til Framtidsfylket får du:

• Ein spennande jobb og eit nettverk med andre traineear i bedrifter i Vestland fylke
• Fagleg og personleg utvikling
• Innsyn i eit mangfaldig næringsliv som for få kjenner til
• Fire traineesamlingar og ein utanlandstur
• Utviklingsprogram gjennom Framtidsfylket sitt trainee-program

Felles krav til alle som søker stilling som Framtidsfylket-trainee:

• Minimum bachelor eller mastergrad
• Maksimalt tre års arbeidserfaring etter studium
• Du må forstå og kunne kommunisere på norsk. Sjå elles arbeidsgjevar sine krav for språkkunnskap

Du vil jobbe som trainee hos oss i eitt år – frå august 2022 til august 2023.

Andre opplysningar
Administrasjonsmålet i fylkeskommunen er nynorsk
Alle nytilsetjingar vert gjort med ei prøvetid på 6 månader
Vi gjer merksam på at i følgje offentleglova § 25, 2. ledd kan opplysningar om søkjaren bli offentleggjort sjølv om du har oppmoda om å ikkje bli ført opp på offentleg søkjarliste. Dersom du har bedt om unntak frå offentleg søkjarliste vil du alltid bli varsla før søkjarlista vert offentleggjort.