Vil du utvikle Vestland i lag med oss?
Avdeling for Innovasjon og næringsutvikling, seksjon for forsking, kompetanse og internasjonalisering.
Avdelinga skal bidra i arbeidet med å utvikle eit nyskapande og berekraftig Vestland, ved å setje retning, samarbeide og engasjere. Vestland fylke har som mål å verte utsleppsfri innan 2030! Arbeidet med å leggje til rette for forskingsbasert innovasjon skal bidra til ny kunnskap for å nå måla for det grøne skiftet.

Temaplan "Forsking for Vestland fylke" set retninga på det forskingspolitiske arbeidet. Iverksettinga av denne planen skjer også i samarbeid med FoU-forum Vestland, som fylkeskommunen leier. Vestland fylkeskommune har forvaltningsansvar for Regionalt forskingsfond Vestland og leier mobiliseringsaktiviteten i FORREGION Vestland. Traineen skal bidra i drift og utvikling av dette ansvarsområdet, og må ha interesse for regional og berekraftig utvikling.

Arbeidsoppgåver

• Mobilisering til meir bruk av forsking i gjennom FORREGION Vestland med oppgåver som kompetansemekling, FoU-møte og tilrettelegging for tilskotsmidlar. Bidrag til koordinering av samarbeidet både internt i prosjektet og med eksterne samarbeidspartar vil vere sentralt. 
• Behandling av søknader om og oppfølging av FoU-prosjekt gjennom Regionalt forskingsfond Vestland. 
• Oppfølging av Temaplan forsking for Vestland fylke 2022 – 2027 og bidra til arbeidet i FoU-forum Vestland. 
• Delta i mobilisering av ressursar til nye forskingssenter, forskingsbidrag i oppfølging av Grøn region Vestland og Vestlandsporteføljen samt andre felles satsingar med forskingsbehov i regionen.
• Kommunikasjons- og informasjonsarbeid – med særleg vekt på å utvikle gode system og rutinar for dialog kring det regionale forskingsfeltet i sosiale medium. 
• Delta i eit team av medarbeidarar og samarbeidspartar i heile Vestland, men særleg retta inn mot den nordlege delen av Vestland fylke.

Kvalifikasjonskrav

Den som vert tilsett må ha

• minimum mastergrad innan samfunns-, økonomi- eller matematisk-naturvitskaplege fag. Det er ikkje krav om forskingskompetanse (PhD)
• god forståing for forsking som arbeidsmetode og betydning av forsking som drivkraft for innovasjon i privat og offentleg sektor
• maksimalt tre års arbeidserfaring etter avslutta studium
• norsk som arbeidsspråk - munnleg og skriftleg - og god forståing for engelsk skriftleg og munnleg

Det er ein føremon med erfaring frå forskingsadministrasjon, forsking eller forskingsformidling.

Om deg

• Samfunnsengasjert
• Evne til å arbeide sjølvstendig, ta initiativ og bygge relasjonar
• Gode samarbeids- og kommunikasjonsevner
• God norsk skriftleg og munnleg framstillingsevne
• God digital kompetanse

Vi tilbyr

Du vil få varierte og meiningsfulle arbeidsoppgåver, og fagleg utvikling i eit kompetent og tverrfagleg fagmiljø. Vi er opptekne av vi skal trivast på jobb, og ha eit godt og uformelt arbeidsmiljø. Slik gjer vi kvarandre gode og skapar engasjement. Derfor tilbyr vi

• ein fadder/mentor som vil følgje deg opp i trainee-perioden
• arbeidsvilkår, pensjon og forsikringar i samsvar med kommunal tariff
• bedriftshelseteneste
• fleksibel arbeidstid
• løn etter avtale
• interessante faglege nettverk både internt og eksternt

Som deltakar i traineeprogrammet til Framtidsfylket får du:

• Ein spennande jobb og eit nettverk med andre traineear i bedrifter i Vestland fylke
• Fagleg og personleg utvikling
• Innsyn i eit mangfaldig næringsliv som for få kjenner til
• Fire traineesamlingar og ein utanlandstur
• Utviklingsprogram gjennom Framtidsfylket sitt trainee-program

Felles krav til alle som søker stilling som Framtidsfylket-trainee:

• Minimum bachelor eller mastergrad
• Maksimalt tre års arbeidserfaring etter studium
• Du må forstå og kunne kommunisere på norsk. Sjå elles arbeidsgjevar sine krav for språkkunnskap

Du vil jobbe som trainee hos oss i eitt år – frå august 2022 til august 2023.

Andre opplysningar:

• Dersom du har spørsmål, ta gjerne ein prat med kontaktperson.
• Administrasjonsmålet i fylkeskommunen er nynorsk.
• Alle nytilsetjingar vert gjort med ei prøvetid på 6 månader
• Arbeidsstad er fylkeshuset i Leikanger i Sogndal kommune.

Vi gjer merksam på at i følgje offentleglova § 25, 2. ledd kan opplysningar om søkjaren bli offentleggjort sjølv om du har oppmoda om å ikkje bli ført opp på offentleg søkjarliste. Dersom du har bedt om unntak frå offentleg søkjarliste vil du alltid bli varsla før søkjarlista vert offentleggjort.